ئامارا نەبانگەواز پەی ٤و نیسانی
پلاتفۆڕمو ئەرەمەرزیا دیموکراتیکەکا جە دەگاو ئامارایی شۊنەماو جە ئەڎابیەو ڕابەر ئاپۊینە ئەرەیاونێوە ڕۆنامەوانیشا بینا و وچیا: "ئینایمۍ چەمەڕایی گرڎ کەسېنە و بەتایبەت ژەنانە بەشدارۍ چالاکییەکا ٤و نیسانی با."
٤و نیسانی
بۊنەو ٧٦ساڵەو جە ئەڎابیەو ڕابەر ئاپۊیۆ جە مابەینو ٣-٤و نیسانینە جە ناوچەو خەلفەتی ڕحای فیستیڤاڵ ئەنجام مڎریۆ.
پلاتفۆڕمو ئەرەمەرزیا دیموکراتیکییەکا جە دەگاو ئامارای ۋەردەمو ئا یانەینە کە ڕابەر ئاپۆش چنە جە ئەڎۍ بیەن ئەرەیاۋنێوەشا ۋەناوە.
چنی ئەرەنیشتا دەگۍ پەڕلەمانتارو ئامەدو دەم پارتی جەیلان ئاکچا، هامسەرۆکاو شارەوانی خەلفەتی کە قەیوم سەرو مەنسەبەکەیشارە سەپیان سانیە بایرامە و محەمەد قەرەیلان بەشدارۍ ئەرەیاۋناکەی بێنۍ.
بە دیوارو یانەکەیرە وێنە قەڎیمیەکۍ ڕابەر ئاپۆی هۊرواسیێ.
چالاکەو تەڤگەرو ژەنا ئازادی (تەژەئا) مولکیە گولمەزە واتش: "چەمەڕایما جە گرڎ کەسی و بە تایبەت جە ژەنان کە بەشدارۍ چالاکییەکا ٤و نیسانی با. چەمەڕێنمۍ گرڎ کەسۍ پاڵپەشتی بکەرا جە ڕاپیماو جوانانە کە ئارۆ دەسش پنەکەرڎەن."
دماتەر هامسەرۆکو فیدارسیۆنو جەمەو پەشتیوانی یاسایی جە بنەیانەو زینانیکریایا و حوکم دریایا (توهاد-فەد) کەریم جانپۆلاد قسێش کەردۍ و داواش کەرڎ گۆشەگیری سەرو ڕابەر ئاپۆی هۊرگیریۆ.
جانپۆلاد جە بەردەوامیینە سەرەنجش وست سەرو پەیامەکەو ٢٧و شوباتو ڕابەر ئاپۆی و دەسنیشانش کەرڎ پەیامەکە پەی ئاردەی ئارایی ئاشتییا و ئینەش وات: "خاوەنداریکەردەی جە ٤و نیسانی خاوەندارییا جە ئاشتی و ئازادی. ئېساڵ بۆ بە ساڵۊو مڎرامانی و ئازادی."
