ئامەدەنە بە نامنیشانو "پەرسەکا گلێرگەی" وۆرک شۆپێ ئەنجام دریا. بەشداربییەکێ کۆنفرانسو یەکڕیزی و یەکهەڵوێسی کوردی کە جە شارو قامیشلۆینە ئەنجام دریۆنە، موبارەکشا کەرد و پەی بانگەوازو ڕابەر ئاپۆی پەی گلێرگەو دیموکراتیکی، بانگەوازو ئەوەکۆشایشا کەرد.
وۆرک شۆپەکە بە نامنیشانو "پەرسەکێ گلێرگەی" بە سەرمەشقایەتی ڕێکوزیاکا پارتو یەکسانی و دیموکراسی گەلا (دەم پارتی)ی جە مییانو کۆنگرەو کلتووری ئامەدینە ئەنجام دریۆنە. جە وۆرک شۆپەکەنە هامسەرۆکا شارەوانی ئامەدی، ئەندامێ ئەنجوومەنو شارەوانی، ڕاوەبەرا پارتەکەی و چنین کەسێ ئامادێنی.
وۆرک شۆپەکەنە گفتوگۆی کراوە سەرو هامسەرۆکو شارەوانی شارو ئامەدی دۆغان هاتون دەسش پنەکەرد. هاتون ئاماژەش بە کۆنفرانسو یەکڕیزی جە وەرنیشتەنە کەرد و باسش جە گرنگی وەرپرسیارێتی پەی چارەسەرکەردەو پەرسەکا جە هەرێمەکەنە کەرد.
دماتەر هامسەرۆکو دەم پارتی ئامەد گوڵشەن ئۆزەر قسێش کەردێ و ئاماژەش پانەیەدا بەبێ یۆبییەی ئاشتی بە دی نمێ و سەرنجش وست سەرو گرنگی یۆبییەو کوردا و واتش: "ئەر نەتاومێ یۆبییەی بە دی بارمێ، مەتاومێ ئاشتیش بە دی بارمێ".
هامسەرۆکو دەم پارتی ئامەد عەباس شاهین باسس جە ئەوەکۆشای گەلوو کوردی کەرد کە ٥٠ ساڵێن بەردەواما و ئاماژەش پانەیەدا ئیسە کورد گەرەکشا گلێرگری دیموکراتیکی و ئاشتی بنیاد بنییەیمێ.
پەرلەمانتارو دەم پارتی مێردین بێریتان گونەشە سەرنجش وست سەرو بانگەوازەکەو ڕابەر ئاپۆی پەی گلێرگەو دیموکراتیکی و ئاماژەش پانەیەدا ئامانجو ئاڏشا سەرو بنەماو ئی بانگەوازییە پەی بنیادنیاو ئاشتی گلێرگەین و واتش: "ئامەد پەی ئی ئاشتییە ئامادەن".
