بەندەرو گەشمەرڏە ڕەجایی جە بەندەر عەباسەنە پانیشتوو ئێرانینە ئەوەتەقایێوە گۆرە قۊمیا. بە پاو میدیاکا ئێرانی لانی کەم ٤٧ کەسێ زامڏارێ بیێنێ. ئەوەتەقایۆکەی کاتێنە ڕووەشدێنە کە خولو یەرەمو گلێرۆبییەکا ئێران و ئەمریکا جە عوماننە دەسش پنەکەردەن، بەڵام تا ئیسە هۆکارەکەش نادیارا.

میدیاکا ئێرانی وەڵاشا کەردۆ، مەڵامەتو ئەوەتەقایۊکەی چن کۆنتێنەرێوە بییەن کە جە بەندەرەکەنە هورگیریێنێ. ئانەیش زانیان کە زامڏارەکێ فاڕیێنێ پەی خەسەخانەی. بەپاو بڕێ سەرچەمێ دلینەی، ژمارێوە فرە جە کارمەندەکا بەندەرەکەی گیانشا جەدەسدان.