یانەو ژەناو هەورامانی چالاکی گەشتوگێڵی و ژیوگەپارێزیش ئەنجامدا

بە نونگەو ٢مین ساڵیادو ئەرەمەرزنایش، ئەرەمەرزیاو یانەو ژەناو هەورامانی بەبەشداری ژمارێوە فرێ جە ژنە ئەندامەکاش چالاکی گەشتوگێڵی و ژیوگەپارێزیش ئەنجامدا.

ئەرەمەرزیاو یانەو ژەناو هەورامانی، بە نونگەو ٢مین ساڵیادو ئەرەمەرزنایش وێش چالاکی گەشتوگێڵی و ژیوگەپارێزیش ئەنجامدا و جە میانەشەنە ژمارێوە فرێ جە ژنەنە ئەندامەکاش بەشدارێ بیێ و ژیوگەشان جە ئەوامەنەکان،پاک کەردەوە. 
جە ئی بارەوە ئەرەمەرزیاکە جە ئەرەیاونایێوەنە ئاشکراش کەردەن: جە ساڵڕۆو ئەرەمەرزیای یانەو ژەناو هەورامانینە، خێربەیدێ پەی گوڵگەشتەکەیما و کانگاو دڵیەو مەبارەک‌بادی ئی ڕوە پیرۆزەیتا چەنە کەرمێ. ھیوادارێنمێ بە پشت‌بەستەیما بە ئیرادە و تواناییەکاما، کار و هەرمان و چالاکیو یانەکەیما جە ئاستی شیاوەنە بۆ پەی ژەناو وڵاتەکەیما و جە گەشە و پەرەئەسای ئاستو هزر و ئەندێشە و ئەقڵییەتی سەردەمیانەو ژەناو ھەورامانیەنە نەخش و ڕۆڵی تارێخی وێش گێڵنۆ و دماڕۆو نیشتمانی ئازیزیما و نەوەو دماڕۆیما بە شکۆ و شانازیەو یادما کەرۆوە.

خاتوونە بەرز و بەڕێزەکا!
سلام و سەربەرزی
جە ساڵڕۆو ئەرەمەرزیای یانەو ژەناو هەورامانینە، خێربەیدێ پەی گوڵگەشتەکەیما.

ئازیزا!
جە کانگاو دڵیەو مەبارەک‌بادی ئی ڕوە پیرۆزەیتا چەنە کەرمێ.  دوەمین ساڵیادو ئەرەمەرزناو یانەو ژەنا و ھەورامانی و ڕێکوزیا و وارانی پێسە گردساڵێوی بەرز و پیرۆز کەرمێ و چی ڕۆنە ڕێز و سپاسی گەرمما هەن پەی بیەو گردیتا و وەراوەرو گردو مانیایی و هەوڵ و ھەرمان و کارو چالاکی دلسۆزانەیتا یانەو ژەنانە سەرەو ڕێز و حورمەتی نامنمێرە و فرە فرە قەدرزانێ ئا خاتوونانمێ کە گردو چالاکیەکانە وێبەخشانە مانیەنێ.
 ھیوادارێنمێ بە پشت‌بەستەیما بە ئیرادە و تواناییەکاما، کار و هەرمان و چالاکیو یانەکەیما جە ئاستی شیاوەنە بۆ پەی ژەناو وڵاتەکەیما و جە گەشە و پەرەئەسای ئاستو هزر و ئەندێشە و ئەقڵییەتی سەردەمیانەو ژەناو ھەورامانیەنە نەخش و ڕۆڵی تارێخی وێش گێڵنۆ و دماڕۆو نیشتمانی ئازیزیما و نەوەو دماڕۆیما بە شکۆ و شانازیەو یادما کەرۆوە.
ئازیزا!
 بەداخەو بە پاو ئانەیە کە ناوەشی نەحس و پیسو کۆرۆنای مەجالو هەرجۆرە کۆڕ و کۆبوونەوێویش چەنە گێرتێنمێ، تەنیا تاواما جە ساڵڕۆو یانەکەیمانە تەنیا پی گوڵگەشتیە چەنیتا بیمێ و بەپاو توانایما مەسیرو گوڵگەشتەکەیما پۆختە کەرمێ . ج گوگەشتو زرێبارێ گرووپی چالاکو شاخەوانی زرێبارێچ بەشدار بێ و گەرمی فرەش دا بە چالاکیەکەی. هیوادارێنمێ ڕوێوش بەی وەرەو جە ئاستی فراونتەرەنە چەنی ژەناو شار و مەحاڵەکەیما ئەرەنیشتەی گەورەمابۆ و گردو ئازیزا خوڵکە کەرمێ پەی ئیستفادەی درۆس و شایستە جە تواناییەکاشا و کۆمەڵگاکەیما زیاتەر و زیاتەر گەشنمێوە. 
ئێمە ژەنی کوردەواری مشیۆ بڕواما پینەیە بۆ کە مشیۆ ئا توانا و ئیرادەیە گێڵنمێوە پەی وێما کە نەخش و ڕۆڵی جددیما بۆ جە کۆمەڵگانە و پەی پێشوستەیش جە گردو بوارەکانە، شان‌بەشانو پیاکا و زیاتەریچ هەوڵ و تەقالاما بۆ و کۆشیەیمێ. ژەنی نیمەو کۆمەڵگایەنە و مشیۆ جە گەشنای عەقڵییەت و ئەندێشە و ئاوەدانی کۆمەڵگایچەنە نەخشش بۆ و وێش دوور نەگێرۆ و ئیجازە نەدۆ کەس یان کەسانێو وزاش پەراوێز. 
ئازیزا!
هەرپاسە مزاندێ رێکوزیاو وارانی بەشیوش تایبەتا بە یانەو ژەناو ھەورامانی و ئێ یانە ھەر بەنامێ یانەو ژەناو ھەورامانی مەنوە و کارو خەباتش چەیولای دلێ رێکوزیاو وارانی بەرۆ ڕاوە. 
واران پشتیوانەن پێ یانەو ژەنا و ھەورامانی جە گرد بارێوەرە. 
دوبارە ئی ڕۆتا وەش و پیرۆز بۆ خاتوونە سەربەرزەکاو کوردی.

جە کۆتاییەنە جارێتەر ماچمێ خێربەیدێ سەرو چەما و گرد ڕوێوتا گەشە و شادی  سەربەرزی بۆ. سپاس پێ گروپو شاخەوانی زرێبارە.

یانەو ژەناو هەورامانی
  پاوە و مەریوان

یاگێ یادئاوەرییەن، کە ٣ ساڵێ جەی وەڵتەر و جە ١٤و سپتەمبەرو ساڵەو ٢٠١٩یەنە، بە بەشداری جەمێ جە ژەنە چالاکوانەکێ هەرێمو هەورامانی، ڕێکوزیاو یانەو ژەناو ھۆرامانی (یەرەژە) مەرزیارە و جە ئاوەختەوە و تا بە ئیسە، ڕێکوزیاکە دەیان چالاکیێ جۆر بەجۆرێ مەدەنیێش جە شارێ و ناوچەکێ هەورامانی و وەرهۆرز کوردستانیەنە ئەنجامێ دێنێ و ڕێزش نیان جە چەنڎین کەسایەتیێ هەورامانی. هامکات ڕێکوزیاکە بییەن بە یاگێ ئومێدی پەی ژەناو هەورامانی و سات بەسات ژەنی زیاتەرێ پەیوەستێش مەبانێ و هۆکارو ئانەیە ئانە کە ژەنەکێ بەدیئامای هیوێ، ئاواتێ و ئامانجەکێ وێشان دلێ ڕێکوزیاکەیەنە مەوینانێوە.