یاشار گولەر سەبارەت بە پڕۆسەکەی قسێش کەردۍ. گولەر چەمپۊشیش جە هرووژمەکا سوپاو تورکیای کەردۍ کە سەرەڕاو قەرارو ئایێربەسو پەکەکەی بەردەوامێنۍ و جەختش چی قسۍ کەردۆ: "مشۊم چەکەکاشا ڕادەس بکەرا."
یاشار گولەر وەزیرو وەرگیری تورکیای ئەنقەرەنە بەشداریش جە مەراسیمێوەنە کەرڎ و سەبارەت بە پرۆسەکەی قسێش کەردۍ. یاشار گولەر سەبارەت بە بانگەوازو ڕابەر ئاپۆی پەی 'ئاشتی و گلېرگەی دیموکراتیک'ی بە پرۆسێوە 'سەنگین' نامێش ئارڎ. یاشار گولەر چەمپۊشیش چا هرووژما دۊڵەتو تورکی کەرڎ کە سەرەڕاو قەرارو ئایێر بەسو پەکەکەی بەردەوامێنۍ و پېوەس بە ئایێربەسو پەکەکەی واتش: "مشۊم چەکەکاشا بنیارە".
جە لېوە هرووژم، جە لېوە بانگەشەو واڵە و برایەتی
جە لېوە گولەر ئاماژەش پانەی دا کە بەردەوامۍ با جە جەنگەکەی و جە لێوەتەریچۆ ئی بانگەشەشە کەرڎ: "پەی بەهێزکەردەی واڵە و برایەتی و یۊبیەیما هەوڵمڎەیمۍ. جە سەڎ ساڵی دووەمو کۆماریمانە پێوەرە تورکیێوە بەهێز وەش بکەرمۍ."
