ئەڎایاو شه‌ممەی پۊلیسی دەورە دێنۍ
ئەڎایاو شه‌ممه‌ی و سه‌رۊكوو لەقه‌كاو سه‌ندیكاو پارێزنه‌را، كه به‌نیازۍ بێنۍ به‌ره‌و مەیڎانوو گالاتاساری ڕاپیمای کەرا، پۊلیسی تەوقە دێنۍ.
ئەڎایاو شه‌ممه‌ی، كه پەی دیاریكەرڎەی چاره‌نویسوو كه‌سوكاره‌كاشا، كه وەختوو گێرتەیشانە بێسه‌روشۊنۍ كریێنۍ، تا چەنەپەرسایۊ جا مەجالێنە کریۊ و بکەرەکۍ دادگایی کریا، حه‌فته‌و ٩٥٦مینینە، مەیڎانوو گالاتاساراینە درێژه‌شا به چالاكییه‌كه‌یشا دا.
چالاكییه‌كه‌و ئی حه‌فته‌و ئەڎایاو شه‌ممه‌ینە، كه بەگوڵێوە به‌ره‌و مەیڎانه‌كه ڕاشا پیما، سه‌رۊكاو فرەو لەقه‌كاو سه‌ندیكاو پارێزنه‌را و هاموەڵاتا به‌شدارۍ بێنۍ.
سه‌رباروو ئانەیە دادگای ده‌ستووری هه‌میشه‌یی، قەراروو قه‌ده‌غه‌كەرڎەی چالاكیی ئەڎایاو شه‌ممەی كه وەڵتەر جە ڕاو قایمقامیه‌توو به‌یۊغلوی دریابۍ، پێسە "پاشێلكاری" نامێش بەرد، پۊلیس به بەهانۍ قەراروو قه‌ده‌غه‌كەرڎەی چالاكییه‌كه‌ی دەوروو ئا كه‌ساشە دا، كه وەرده‌موو سه‌ندیكاو پارێزنه‌راو ئیسته‌نبوڵینە کوۍ بیێبینێوە.
تا ئیساتێچ دەورە دریێنۍ.
س.ز
