قسەکەرەو دەم پارتی ئایشەگوڵ دۆغانە دەربارەو ئەنجامو کۆبییەیوە مەجلیسو پارتەکەی و لوجنەو بەروستەی ناوەندی جە ناوەندی گردینو دەم پارتی-ینە، کۆنگرێوی ڕۆنامەوانییش بەست، سەرەتا ١٢٦ەمین ساڵیادو ڕۆنامەگەریی کوردییش مەبارەک  کەرد و واتش: "سەرەڕاو قوربانیدایەکا، ڕاو حەقیقەتی بەردەوامەنە".

دۆغانە واتش پارتەکەشا کۆبییەیۆکەینە نەخشەڕاو وێش دیارییە کەردێنە، ئەوەخوایش کەردۆ بە هەوڵێ و کۆششو گرد لاێو دەم پارتی جە ورچنیەی ٣١ و ئادارینە سەرکەوت و بی بە هومێد پەی وەڵاتێوی دیموکراتیک و ئازادی و شکۆداری.

واتیچش کە ورچنیەی جە هەلومەرجێوی یەکساننە نەکریا، هێزەکاو دەسەڵاتی گردو دەرفەتەکاو دەوڵەتیشا دژو دەم پارتی وستێ هەرمانە، تەنانەت خودو سەرۆککۆمارو وەڵاتەکەی تەیب ئەردۆگانی کەمپینو ورچنیەیەن بەشدارییش کەردو واتش: "ئانە دەنگ نەدۆ، خزمەت نمەکریۆ"، سەرواز و پۆلیسێ پەی ساختەکاری ئامێوە کوردستان، بەڵام گەل بە دەسەڵاتیشا وات ئیتر وەسێن و دژو ڕژێمو قەیومی مردێوە.

جەختش کەردۆ، دەم پارتی پارتو کوردا و گەنجا و ژەنا و بندەسان پەوکای چەنی سەرکەوتەی دەم پارتی، هومێد و ئایندە سەرکەوتێ، واتش: "پێویسا پارتە باڵادەسەکێ هەنگامەی تازێ بنیانێ، پەی چارەسەری ئاشتییانەی و دیموکراسییانەو کوردی مشۆم هەنگامێ ڕۆشنێ و چارەسەرسازێ بنریانێ. مشۆم پێسەو ئۆپۆزیسیۆنی و دەسەڵاتی، پێسە نرخنای بکەرمێ".

دۆغانە تیشکەش وستە سەرو ڕاپیمای ئازادی و جەژنەو نەورۆزی وەختوو ورچنیەیەکانە و و واتش: "دەنگدەراو دەم پارتی دژو جەنگی و سیاسەتو نکۆڵی لوێ سەرو سندووقەکا، داواو سیاسەتی دیموکراتیکیشا کەردە. واتشا نا پەی ئۆپەراسیۆنی. نا پەی گۆشەگیریی سەرو بەڕێز ئۆجالانی".

ئەوەخوایچش کەردۆ کۆبییەیۆکەینە نەخشەڕاو پارتەکەیشا تاوتۆ کەردێنە و سیاسەتو خەتێ یەرەمێشا پێسەو نەخشەڕای قبووڵ کەردەن و پەی کۆکەردەیۆ گرد لایێوە سەرو ئی خەتەو سیاسەتیوە بەردەوامێ مبانێ، جە  ورچنیەیەکایچنە  سەروو ئی خەتێوە سەرکەوتێ.