دماو ئانەی چن ڕوۍ چێوەڵی جە لایەنو هامکارا و ڕۊنامەوانا ئەرەیاۋنای ئازادیوە، تابلۆو گەشمەرڎا گوڵستان تارۍ و هێرۆ بەهادینیشا نیارە چا یاگێنە کە چنەشەنە گەشمەرڎۍ کریۍ، وە بە ڕەزامەندی ئیدارەو قەزاو سەیسایەقی سنوورو پارێزگاو سلێمانی، جاڎەکە کریا بە نامۍ گەشمەرڎاوە. دماو چن ڕوێوە جە لایەنو دەسێوە دژە ئازادیوازی نادیاریوە تابلۆکە شێویا.

ئارۆ جارێوەتەر جە لایەنو ئازادییوازاوە تابلۆو گەشمەرڎا (گوڵستان تارۍ و هێرۆ بەهادینی) نریاراوە، سەرو هەمان ڕێوە نزیك بە بارەگاو هێزەكا كۆماندۆی، هامکات تەمامو لایەنە ئەمنییەكا سنوورەكەی ئاگاڎار کریانۆ و چەمڎاری وێنەكەی مکەرا پەی پارێزنایش. هاموڵاتیۍ سنوورەکەیچ ئاماژەشا پانەی کەرڎەن پارێزنای یاڎەوەری ئا گەشمەرڎا بە ئەرکو ۋێشا موینا و بە گرڎ جۆرێوە پارێزنایش ۋنەمکەرا.