هۆزان جۆمەرد ئەلبوومێوە تازەو گۆرانیاش بە نامۍ "خۆزان"ی وەڵا کەرڎۆ. هۆزان جۆمەرد واتش: "کاتێ هۊنییەنە سۆفییەکا وەنمێوە، فەلسەفە، تراژیدیا و داستانی موینمۍ. گەرەکم بۍ فەلسەفە و هونەری جە ڕاو میوزیکیوە ئاوێزان بکەرو."
تاتەو گەشمەرڎا سینان جەمگیل کاهرامانی و تەیلان کاهرامانی، هونەرمەڼی کوردەسانی هۆزان جۆمەرد ئەلبوومێوە تازەش وەڵا کەڕڎۆ. نامۍ ئەلبوومەکەیش "خۆزانا" جە دوۍ بڕگا "خۆ" و "زان"ی پێک ئامان کە بە ماناو "ۋێت بشناسە "ی مۍ.
ئەلبوومەکە جە ١٠ گۆرانیا پێک مۍ. هونەرمەڼ هۊنیەکۍ مەلای جزیری، مەلای باتێ، پەرتەو بەگی هەکاریش هۊرچنیێنۍ. ئەلبوومێوە تایبەتا. بەرئاوەرو ئەلبوومەکەی هاکان ئاکاین و ئاماڎەکەردەی ئەلبوومەکەی دووۍ ساڵێش خواینان.
ئەلبوومو "خۆزان"ی ئارت ڕیکۆردزی بەرهەم ئاوردەن. هۆزان جۆمەرد ڕۊو شەممەی بەشداری نەورۆزو فرانکفۆرتی بۆ. ئی ئەلبوومەیە چا ئیمزا مکەرۆ.
بە مەڵامەتو ئانەی بڕۍ جە هۆنیەیەکا ئەلبوومەکەی سەڎ ساڵۍ چێوەڵی نویسیێنۍ بڕۍ کەلیمێشا ئارۆ یاواینە چنەشا قورسا. هەرپاسە ئاماڎەکارا هۊنیەیەکا هۊرگێڵنا سەرو زۋانی ئینگلیزی.
گۆرانییەکۍ ئەلبوومەکەی:
Dil ji Min Bir
Gotin: Meleyê Cizîrî
Muzîk: Xozan Comerd
Hezar Hezar Sal û Zeman
Gotin: Rezaliyê Reşîd
Muzîk: Xozan Comerd
Bejna şepal
Gotin: Pertew Begê Hekarî
Muzîk: Xozan Comerd
Husna Te
Gotin: Melayê Bateyî
Muzîk: Hozan Comerd
Aşiqê Zulfa Reş im
Gotin: Melayê Bateyî
Muzîk: Hozan Comerd
Sorgulî
Gotin: Melayê Bateyî
Muzîk: Xozan Comerd
Des û Dû Îmam:
Gotin û Muzîk: Xozan Comerd
Govenda Felekî
Vatê û Muzîk: Emîr Alî Yağan, Ferhat Tunç
Ti Kê Berbena û Gozelê:
Gotin: Seydayê Tîrêj
Muzîk: Xozan Comerd
مەقامو قاسیدیەی و هۊنیۍ سۆفی
هونەرمەند هۆزان جۆمەرد پەی ئاژانسیما قسێش کەردۍ و واتش: "دەمێوەن هۊنیۍ سۆفییانۍ ۋێمانۍ موانووە، فەلسەفە، تراژیدیا و داستانی موینو. گەرەکم بۍ فەلسەفە و هونەری چنی میوزیکی بیاونو بە یۊی. پەی نمونەی چوارجارۍ دیوانو ئەحمەدی خانیم ۋەنانۆ. هەڵای سێرش نەکەردەنا. پەنەوازا ئینسان حیفزش بکەرۆ. هۊنیێکۍ کەسانۍ پېسە مەلای جزیری و مەلای باتێ فرە قوڵێنۍ. بڕۍ وەختۍ تەنیا کەلیمێوە مېیاونۆما بە جەهانێوە جیاوازی. ئانە دووۍ ساڵېن ئینایمۍ ستۆدیۆنە. گەرەکما بۍ میوزیکێوە دۆڵەمەڼ و لایەق بە فەلسەفەو ئاڎیشا بەرهەم بارمۍ. فەخر بە فەلسەفە و ئەدەبیاتو ئاڎیشاوە مکەرمۍ."
هۆزان جۆمەرد، تاتەو گەشمەرڎا سینان جەمگیل کاهرامانی و تەیلان کاهرامانیا. تاتەو گەشمەرڎا جە دمادمایی قسەکاشەنە واتش: "ئەرکو ئێمە بەرزکەردەیۆ مۆراڵو گەلەکەیمانە. ئێش و دڵوەشی گەلەکەیما بەربڕمۍ. بە دەیان هەزار گەشمەرڎێما دێنۍ. گەشمەرڎۍ گەلەکەماشا پارېزنا و بیەیمۍ بە یۆ. فەلسەفێوە گۊرە بەرکۊت. ئی فەلسەفە گەلەکەماش پارېزنا و بیەیمۍ بە یۆ. یۆ چا چێوا کە فرەتەرین گرنگیما پنە دا چی ئەلبوومەنە ئینە بۍ: کۊششما کەرڎ کە ئی میوزیکەیە لایەق پی بەهایا بکەرمۍ. ئەوەکۊشایەکا ۋێما هۆرسەنگنمۍ. ۋەشەسیای و ڕێزو ۋێم پێشکەش بە گەلەکەیما مکەرو."
