ئەرەنیشتاو هەرێموو فوراتی سەبارەت بە هجوومەکاو دەوڵەتوو تورکی ئەرەگیری سەروو هەرێمەکەی قسێشا پەی ئاژانسوو هەواڵوو فوراتی کەرڎۍ.

ئەمەل مستەفا، لیژنەی ئیداریی ئەنجوومەنوو ژەناو شارۊچکەو قادریەینە زانیارییش دا چانەیە کە ماوێوەن هجوومەکۍ زیادۍ بیێنۍ و واتش: ئامانجشا تێکدای ئارامیی هەرێمەکەی و نەتەوەی دیموکراتیچا، سەرجەموو دەوڵەتە دەسەڵاتدارەکا جە نەتەوەی دیموکراتیکی تەرسا. چونکوم گرد نەتەوێوە بەئازادی مژیوۊ، پڕۊژەکەی پێسە هەڕەشێوەنە پەی سەروو وێشا موینا، پەوکای گەرەکشانە تێکش بدا."

ئەمەل مستەفا واتیچش، کە دەوڵەتۍ گەرەنتیکارۍ پێسەو ڕووسیا، ئەمریکای تەنیا بە پاو بەرژەوەندیی وێشا مامەڵە کەرا و واتش:" ئەمریکا، ڕووسیا بۊنەو بەرژەوەندییەکاشاوە دەنگ مەکەرا، ئێمەیچ بە ڕۊحوو نەتەوەی دیموکراتیکی وەراوەروو دەوڵەتی تازەو عوسمانیوە بە ڕۊحوو جەنگی شۊڕشگێڵنیی گەلی، دژوو گرد ئەرەگیریێوە مردمێوە."

ئەبو حسێن براو گەشمەرڎە عیسای بێدەنگیی میاندەوڵەتییش شەرمەزار کەرد و ماچۊ:" مشۊم دەوڵەتە میاننەتەوەییەکۍ دژوو ئا هجووما کارڎایوەشا بۊ. ئامانجوو دەوڵەتوو تورکی وەشکەرڎەی ناکۊکییین بەینوو گردوو گەلاو هەرێمەکەینە تا جیاشا کەرۊوە. بە ڕێبازوو نەتەوەی دیمۊکراتیکی، کە وەنەش تەرسا بە ڕۊحوو مدرامانیوە پێوە وەراوەرشا مردمێوە".

مستەفا موسلم براو گەشمەرڎە عەبدولڕەحیمی ئاماژەش پانەیە کەرد،  کە دماو ئانەیە دەوڵەتوو تورکی بە نامۍ هێزە تیرۊریستەکای تەریوە شکسش ئارد، ئی جارە ڕاستەوخۊ هجوومش کەرد سەروو چێرخانوو هەرێمەکەی و واتش:"تیرۊر ئانەنە ژەنی، زارۊڵۍ و تەماموو چێرخانوو هەرێمەکەی کەرۊ ئامانج.  دەوڵەتوو تورکی گەرەکشا بەتەنیا نەتەوێوە ساعیب زوان و کولتوور بۊ. وەلۍ ئێمە بە هێزوو سوریای دیموکراتی سەرکەوتەی مسۊگەر کەرمێ".