ئەنبارەنە ترۆمبێلێوە بە بۆمچنیاو چەتەکا داعشی ئەوەتەقیاوە
تیمو ئەندازیاری دەزگاو دژە تیرۆرو عێراقی ئاشکراش کەرڎ، ترۆمبێلێوە بەبۆمچنیا جە ناوچەو ڕاوەی جە پارێزگاو ئەنبارینە ئەوەتەقنانۆ.
دەزگاو دژە تیرۆرو عێراقی بە ئەرەیاۋنێوە ئەوەتەقنایۆ ترۊمبێلێوە چەتەکاو داعشیش جە سنوورو پارێزگاو ئەنبارینە ئەرەیاۋنا.
جە ئەرەیاۋناکەینە ئامان، جە ئۆپراسیۆنێوە هێزەكاو دەزگاو دژە تیرۆرو عێراقینە، پاڵپەشت بە زانیارییە هەواڵگرییە درووسەكا سەبارەت بە بیەو ترۊمبێلێوە بەبۆمچنیای جە ناوچەو ڕاوەی جە پارێزگاو ئەنبارینە دماو پەشڕاسكەردەیۆ زانیارییەكا جە ڕاو هێزی ئاسمانییوە، ئەركو وشکنای شۆنەکۍ ئەنجامدریا.
ئاماژە پانەیچ کریان، دەس سەرو ترۆمبێلێوەرە گیریان كە چوار بۆمبێش چنە بێنۍ، كە جە لایەنو چەتەكاو داعشیوە بۆمبڕێژ کریا بۍ ئا تەقەمەنیۍ جە لایەنو چەتەکاوە وەشکریێبێنۍ و جە لایەنو بەشو ئەندازیاری دەزگاكەیماوە ئەوەتەقیێنۍ.
