سری سوورەیا ئۆندەر دماو ئەرەیاونای ئایێر بەسو پەکەکەی قسێش کەردێ و ئەرەیاوناش جە حەفتەی ئایندەنە بە گلێرۆبییەکا دۆخەکە ڕۆشن بۆوە، کە وەرپرسێ و سیاسەتمەدارێچ بەشداری ئا گلێرۆبییەیا بانە. ئۆندەر واتش جە ماوەو ٣ مانگانە گرڏ شتێک چێوێ بەش ڕاس بۆوە.
سری سوورەیا ئۆندەر پەڕلەمانتارو ئەستەنبوڵو دەم پارتی و ئەندامو شاندنو ئیمراڵی، دماو ئەرەیاوناو ئایێر بەسو پەکەکەی پەی ئانکای قسێش کەردێ.
ئۆندەر ئاماژەش پانەیەدا چێکە بەدماوە چن گلێرۆبیێوە ئەنجام مڏریانە کە وەرپرسا دۆڵەتی و سیاسەتمەدارێش دلێنە بەشداری مکەرا. ئۆندەر ئینەش وات: "هیوادارێنمێ جە ماوەو یەرێ مانگا ئایندەینە گرڏ چێوێ پەشڕاست بۆوە."
ئۆندەر ئاماژەش پانەیەدا قۆناغی حەرە سەختو مژارەکەیشا ویەرنان و ئینەش وات: " جە حەفتەیی ئایندەنە چنین گلێرۆبیێ بە بەشداری کاربەدەسا دۆڵەتی و سیاسەتمەدارا ئەنجام دریۆنە، فرەو چێوی ڕۆشن بۆوە."
'هەنگامەی دیموکراتیکە پەی فاڕییای
ئۆندەر دەربارەو پرسیارەو 'چەک بپنییارەی جە پراکتیکەنە چنین مکریۆنە' واتش ، "جە ئیسەنە نمەتاو حیچ واچونە چی بارۆ."
ئۆندەر ئاماژەش پانەیە دا: "ئانەی گرنگا ئیرادەو قەراردای نیشانە دریێنە. ئانەی مەنەنۆ پشڕاسکەردەیۆ بابەتەکەین و ئیرادەو چێوەکا. سەرەتا ئەر پێسەو تورکیای بە دڵسۆزی و جددی ڕۆژڤما دیاری بکەرمێ، هەنگامە دیموکراتیکییەکێ یۆ شۆنەو یۆیرە پەی فاڕییاو جەهانی و ناوچەکەی پەیڕەو مکەرمێنە."
