لقو ئامەدی جەمەو پارێزنەرا ئازادی سەبارەت بە "مافو هیوا"ی ڕابەر ئاپۆ کۆنگرێوە ڕژنامەوانیش ئەنجامدا و. سەرحەد چاکماک، یۆن جە هامسەرۆکا جەمەو پارێزنەرا ئازادی، ئاماژەش بە بانگەوازە تاریخییەکەو ڕابەر ئاپۆی کەرد و ئەرەیاوناشا کە ئامادێنێ پەی گێرتەی وەرو ڕێکارە یاساییەکا.

شەڤین کایا، ئەندامەو دەسەو ڕاوەبەری مییانو پارێزنەرا ئازادی (OHD) جەختش چانەیە کەردۆ کە داواکارییەکەو ڕابەر ئاپۆی پەی بنیاتنیاو ئاشتی دیموکراتیکی جە تورکیانە گرنگییێ ژیوایش هەن و واتش: "قسەکێ ئێژا ئۆجالانی، 'بێ گومان، بە کردەوە، نییارەو چەکی و هورشانایۆ پەکەکەی پەنەوازیس بە دانیاپۆرەی سیاسەتس دیموکراتیکی و ڕەهەندی یاسایی هەن، داواکاریی دمای ئاردەی بە جەنگ و تنوتیژی و بنیاتنیاو ئایندێوە همبەشی سەرو بنەماو ئاشتی کریۆنە. شەڤین کایا جەختش چانەیە کەردۆ شیش کەردۆ کە خێراترین هەنگامە پەی بەدیئاردەو ئی داواکارییە و بەهێزکەردەو ڕێگارەکا گفتوکۆکەردەین و چارەسەری دیموکراتیکی هورشانایۆ سیستەمو گۆشەگیرییا ئیمرالینە."

شەڤین کایا جە درێژەو قسەکاشەنە ئەرەیاوناش: "ئاشکران پەی ئانەی ئاشتیێ هەمیشەیی بەرقەرار بۆنە، پەنەوازا دەمودەس سیاسەتو گۆشەگیری دمایش پنە بێ و هەلومەرج پەی ئێژا ئۆجالانی دابین کریۆنە کە تاوۆنە دەور وێش گێڵنۆنە. چی پێوەندییەنە بە پاو پرەنسیپە یاساییەکا و قەرارو 'مافو هیوا'ی دادگاو مافو مرۆڤو ئەوروپای سەبارەت بە ئێژا ئۆجەلانی کە زیاتەر جە ١٠ساڵێن جابەجێ نەکریان، مزۆم دەمودەس وسیۆنە بوارو جابەجێکەردەیۆ.

ئا گۆشەگیرییە کە سەرو ئێژا ئۆجالانی سەپیان، تەنیا پێشێلکەردەو مافەکا کەسێوە نییا، بەڵکووم وەربەسێوەن وەردەمو ئایندەو دیموکراتیکو گلێرگەو تورکیای. سیاسەتو گۆشەگیریی ڕاگێرۆنە جە چارەسەری ئاشتیانە. بەپاو پێوەرەکا گلێرگەو دیموکراتیکی، پەی جابەجێکەردەو پرۆسەو گفتوکۆکەردەی و ئەرەنیشتەی، پەنەوازا وەڵێ گرڏ چێوێ ئازادیی جەسەیی ئێژا ئۆجالانی مسۆگەر کریۆنە و دەرفەت دریۆنە پەی ئانەی تاوۆنە پێسەو ئەکتەرێوە کارای چی پرۆسە گرنگەنە دەور گێڵنۆنە.

ئێمە پێسەو جەمەو پارێزنەرا پەی داکۆکی کەردەی جە ئازادی، بەنامێ سیاسەتو دیموکراتیکی و بنیاتنیاو ئاشتی، بەپاو مەرجەکا مافو مرۆڤی ، داواو هورشانایۆ و سیستەمو گۆشەگیریی ئیمرالی و جابەجێکەردەو دەمودەس بڕگە یاساییەکا پەیوەس بە مافو هیوای مکەرمێ .