ئەنجامنامەو کۆڕبەندەکەی جە تەرەفو سەیف عەدنان مامۆساو زانشتگەی عێراقیوە ۋنیاوە و چنەشەنە ئاماژە پانەی کریابۍ، کە مەڵامەتی سەرەکی ئانیشا کە بیېنۍ بە قۊرتە وەردەم و ورچەرخنای دیموکراتیکی بریتیېنۍ جە نەژاڎپەرسی، ئایین، مەزهەب و وەردەوامی پەرسو پاشێلکەرڎەی مافەکا ژەنا.

ئانەیچ وزیان ڕووە کە ۋیەرناو ئا ئاژەیە پەنەوازش بە نەخشەڕای جیا جیایا و باس چانەی کریا کە پرۆژەو نەتەوەی دیموکراتیکی کە جە لایەن و رابەرو گەلوو کورڎی عەبدوڵا ئۆجالانیوە پێسکەش کریان، بنەڕەتو چارەسەری سیاسی، ئابوری و کۆمەڵایەتین.

جە ئەنجامنامەکەنە داواو ئازاڎیی جەستەیی رابەرو گەلوو کورڎی عەبدوڵا ئۆجالانی کریا و ئانەیچ وزیا ڕووە، "وزەو، ئاوی و فرەو پەرسە سیاسی و کولتووریەکا جە ۋەرکەوتوو میامینینە متاۋیۊ جە ڕاو کۆنفیدڕاڵیزمی دیموکراتیکیوە چارەسەر کریا. پۍ ئانەی ئینۍ دەسەبەرۍ با، مشۊ پێۋەرە ستراتیجێوە هامبەش بېزیۊوە".

جە ئەنجامنامەو کۆڕبەندەکە و ١٣-١٤و حوزەیرانینە سەرنج وزیان سەرو چنڎین مژارا، بە تایبەتی مەڵامەتەکۍ گېرتەو رابەرو گەلوو کورڎی عەبدوڵا ئۆجالانی، ئاژەو رابەرو گەلوو کورڎی عەبدوڵا ئۆجالانی و سیستمو ئەشکەنجەی جە ئیمراڵی.

جە ئەرەیاۋناو ئەنجامنامەکەینە باس چانەی کریا کە دۆسیەو رابەرو گەلوو کورڎی عەبدوڵا ئۆجالانی دۆسیەو گەلین و سیاسییا، پۍ هۊرگېرتەی و دمای ئارڎەی بە گۆشەگیری کە زیاتەر جە دوۋۍ ساڵان وەردەواما، مشۊم فشار و پەشتیوانی میان نەتەوەیی وزیۊنە گەڕ.

هـ . ش