فراکسیۆنوو یەنەکەی ئەنجوومەنوو نوێنەراو عێراقینە هجووموو فڕۆکە بێفڕۆکەوانەکاو تورکیایش پەی سەروو هاموەڵاتاو هەرێموو کوردسانی شەرمەزار مکەرۆ و ماچٶ:" بێدەنگی و بێهەڵوێستیی حکومەتوو عێراقی و هەرێموو کوردسانی، نۆعێوەن بە شەرعیەتدای بە هجوومەکاو تورکیای".
فراکسیۆنی یەکێتیی نیشتمانیی کوردستان (یەنەکە)ی ئەمجوومەنوو نوێنەراو عێراقینە ئەرەیاوناێوەنە هجوومەکاو دەوڵەتوو تورکیش شەرمەزارێ کەردێ و واتش:" بەتندی پەلامارەی بێبەزەییانێ فڕۆکە بێفڕۆکەوانەکاو تورکیای پەی سەروو هاموەڵاتاو هەرێموو کوردسانی شەرمەزار مکەرمێ."
یەنەکە ماچۆ: "ماوەو کەمتەر جە 72 سەعاتی ویەردەینە جە دوێ پەلامارە جیایانە سنووروو پارێزگاو سلێمانیینە و دهۆکنە حەوت هامنیشتمانێشا گەشمەردێ کەردێنێ، گەشمەردەکێ ئەندامێ دووێ خێزانانێ، یۆشا زارۆڵەن و یۆتەریچشا بریندار بییەن."
هەرپاسە تیشکە موزۆ سەروو بێدەنگیی حکومەتوو هەرێمی و عێراقی و ماچۆ:" بێدەنگی و بێهەڵوێستیی حکومەتی ئیتیحادی و کوردسانی ئاشتوو گەشمەردەکەردەی و بریندارکەردەی و پاشێلووسەروەریی عێراقی نۆحێوە شەرعیەتابە پەلامارەکا".
فراکسیۆنەکە داوا وەنەو حکومەتوو عێراقی و حکومەتوو هەرێموو کوردستانی مکەرۆ: "بێدەنگییشا وەراوەروو هجوومەکاو تورکیای پەی سەروو هەرێموو کوردسانی ماڕا و هەڵوێستی جیددیشا بۆ."
