یۊبییەیی نیشتمانیی کورڎسانی (یەنەکە) هجوومش کەرد سەروو حوکومەتەکەو مەسروور بارزانی و بە "خراپتەرین حکومەت جە تاریخوو هەرێموو کورڎسانینە" نامێش بەرۊ، تۊمەتبارش کەرۊ بە سەپنای "بەشبییەی" بەینوو هەولێرۍ و سلێمانینە.
سەرکرڎێوە یەنەکەی، مەحمووڎ خۊشناو جە دوایێوە تەلەفزیۊنینە ئەرەیاوناش: "هەرێموو کورڎسانی تووشوو قۊرتی هەقەتینەی بییەن، حکومەتوو مەسروور بارزانی خراپتەرین حکومەتا جە تاریخوو کورڎسانینە"، هەرپاسە "ئی حکومەتە بییەن بایسوو بەشبییەی دلێنە و پرەنسیپوو دووە ئیدارەییچ".
هەرپاسە خۊشناو واتش: "یۊبییەی نیشتمانیی کورڎسانی پەیوەنڎیی قەوەتش چەنی بەغڎای هەن و باوڕش بە نامەزڕنای نییا"، ئەوەخواش کەرڎۊ "خیانەت ڕانەداین بە ئامایدلۍ هێزوو بێگانەی و بونیا وود نیای بنکەی سەروازی" پێسە ئاماژێوە پەی دەوروو پەدەکەی جە ئارڎەیدلێوەو هێزەکاو تورکی پەی دلۍ خاکوو هەرێموو کورڎسانی.
س.ز
