نامۍ ئا ٩ پارێزنەرا باڵبەسۍ کریێنۍ پی جۊرەنە: مەرد باتور، ئۆزکان یوچەل، ئۆرهان کیپەر، عومەرجان سیمان، سەدەف پنار ئۆزباغ، گوکسەل ئاکبابا، سەلەن دانداش، سامرا دەمیر و دەنیز دەمیردۆغانا.

بەپاو ئا زانیاریا دەس کۊتێنۍ، چن پارێزنەرێوە جە مېیانو پۆلیسینە کاتێ سەردای موەکیلەکاشا مکەرا کە جە کاتو ۋېنیشانداکانە دژو گێرتەی سەرۆک شارەوانی ئەستەنبوڵی ئەکرەم ئیمام ئۆغڵوینە باڵبەسۍ کریێبێنۍ، جە لایەنو پۆلیسیوە باڵبەسۍ کریێنۍ.

بەپاو گوزارشتەکا ١٠ پارێزنەرۍ جە ئاکامو هۊرکوای سەرو یانەکاشانە و جە بنکەکا پۆلیسینە باڵبەسۍ کریێنۍ.

مېیانو گرڎو جەمەو پارێزنەرا ئازادی جە بەیاننامێوەنە ئەرەیاۋناش؛ "جە ۋەرا ۋەرو هرووژمە سیاسیەکانە جە ئەستەنبوڵ، سەڎان هاموڵاتیۍ کە سەرو مافو ئازادی ڕابەربڕیەی و گلېرۊبیەی و ۋێنیشاندایشا کەردەن جە لایەنو هێزەکاو پۆلیسیوە بە شێوێوە دڕندانە هرووژم کریان سەرشا و ئەشکەنجە دریێنۍ. جە ئاکاموو هرووژمەکا پۆلیسینە سەڎان کەسۍ بە هامپیشەکاماوە بە شێوێوە نایاسایی باڵبەسۍ کریێنۍ."

نووسینگەکە ئانەیچش ئەرەیاۋنا کە پارێزنەرا گەرەنتی پارېزنای مافەکا هاموڵاتیانۍ. ئێمە ئا فشارا کە مەبەس چنەش بێدەنگکەردەی وەرگری کەردەی بۆ، قبوڵ نمەکەرمۍ."

پۊکەی داوا مکەرمۍ و مشۊم دەسوەردایەکۍ جە دژو هامکارا و هاموڵاتیاما مردۆنە و دەمودەس باڵبەسکریێکۍ ئازاڎۍ بکریا."