ئێران کۆڵبەرێوە تەرش کوشت
هێزەکاو ئێرانی سەروو سنووروو نەوسوودەو وەکەوتوو کوردستانیوە کۆڵبەرێوەشا بە نامۍ سادق میرانیوە کوشت.
بە پاو هەواڵێوە میدیاکاو وەرکەوتوو کوردستانی، هێزەکاو ئێرانی شەوەی ویەردۍ سنووروو نەوسودەو سەر بە پارێزگاو کرماشانینە هجوومشا کەردەن سەروو بڕۍ کۆڵبەرا.
بۆنەو هجوومەکەیۆ کۆڵبەرێوە کە نامێش سادق میرانیی ٤٠ ساڵە، کە تاتەو دووۍ زارۆڵا بییەن، مەردەن.
جەنازەو سادق میرانیی فاڕیانۆ پەی خەسەخانەو نەوسوودۍ.
ساڵەی ویەردۍ بە تەقەو هێزەکاو دوڵەتوو ئێرانی نزیکەو ٣٠٠ کۆڵبەرا کوشیۍ و بریندارۍ بیێ، کە فرێشا هەردووە سنووروو هەنگەژاڵەو بانەی و نەوسوودەو پاڕێزگاو کرماشانینە بێنۍ.
