ئەرەنیشتاو شارو موحتەرق و مەنتیقەو فاراتی کانتۆن و مەنبەجینە وەردەموو مەجلیسو مەدەنی شارو موحتەرەقینە کوێ بیێوە و گۆشەگیری تنو سەرو ڕابەروو گەلو کوردی عەبدوڵا ئۆجالانیشا شەرمەزار کەرد.

ئەرەیاوناکەی جەلایەنو ئەنداماو کۆمیتەو گەنجا شۆڕشگێڵنو سوریای، ڕامی حەمدۆ ونریاوە، گۆشەگیری شەرمەزارکریا و جەختکریاوە گەلو هەرێمەکەی پەی هۆرگێرتەو گۆشەگیری سەرو ڕابەرو گەلو کوردی عەبدوڵا ئۆجالانی و مسۆگەرکەردەی ئازاڎیی جەستەیی ڕابەرو گەلو کوردی عەبدوڵا ئۆجالانی درێژە بە ئەرەکۆشای مرا.

هەرپاسە جەختکریاوە دوژمن هەوڵ مرۆ جە ڕاو مادەو هۆشبەریوە گەنجا تێکبڎا و بانگەواز جە هێزە میانەتەوەییەکا و ڕێکوزیاکا مافو مرۆڤی کریا ئەرک وەرپرسیارێتی وێشا جابەجێ کەرا