چالاکییەکاو ئێشکگێریی داڎپەروەری پەی ئازاڎیی جەستەیی ڕابەروو گەلوو کوردی عەبدوڵا ئۊجالانی و چارەسەروو پەرسەو کوردی بە ڕای دیموکراتیکە، ئارۊ ئەدەنە و ئیستەنبوڵ و مێردین و مێرسیننە بەردەوام بی.

چالاکییەکەو ئیستنەبوڵی ٤٠ ڕوێن بەردەواما، چالاکێ هێلەکشا پۊشت و سەرشۊ نویسیابێ "گۊشەگیری تاوانێوەن دژوو ئینسانیەتی"، چالاکییەکەنە ئامادەبیێ پەیامشا پەی ئازاڎیی جەستەیی ڕابەروو گەلوو کوردی عەبدوڵا ئۊجالانی ئەوەخوای کەردۊ و گۊرانیێ کوردیێشا واتێ.  

چالاکییەکەو مێردینینە، هامسەرۊکوو دەبەپەی کەسکین بایندەر و فرەو بەشداربییا، ئەدایاو ئاشتی بە درێژایی ڕووەکەی گۊرانیێ کوردیێشا واتێ.  

چالاکییەکەو ئەدەنەی ٤٩ ڕوێن بەردەواما، بەشێوە جە ئەنداماو مەجلیسوو گەنجاو دەم پارتی ئامێ سەرێ چالاکییەکەیشا دا.

چالاکییەکەو مێرسینیچ ٤٩ ڕوێن بەردەواما، ئەنداماو مەجلیسوو ئەدایاو ئاشتی داواو ئازاڎیی جەستەیی ڕابەروو گەلوو کوردی عەبدوڵا ئۊجالانیشا کەرد.