چالاکی ئێشکگیری کە سەر سنوورو پیرسوسو رحای سەرو سنوورو کۆبانێنە جە دژو هرووژمەکا سەرو سەرنیشتوو ۋەرکۊتوو سووریای دەسش پنەکەردەن، چالاکییەکە بە سەرمەشاقەیەتی پارتو هەرێمە دیموکراتیکەکا (دەبەپە)ی و تەڤگەرو ژانا ئازادی (تەژەئا)ی و پارتو یەکسانی و دیموکراسی گەلاو (دەم پارتی) جە ١٣هەمین ڕۆنە بەردەواما.

هامسەرۆکۆو ناوچەو سەورەگی دەم پارتی سەلما گۆزگووە ئاماژەش پانەی کەرڎ کە گەلا جە سەرنیشت و ۋەرکۊتوو سووریای پەی مرۆڤایەتی ئەرەکۊشا و واتش: "چا ڕاپیماینە کە هێزی ئەنجامما دا نیشانەمادا کە بە چ مەرامێوە ئینایمۍ چۍ. دیما کە فەلسەفەو 'ژەنی ژیۋای ئازادی' جە ۋەرنیشتەنە ئەزموونکریا. ۋەرو ئانەیچ مشۆم ئێمەی ژەنی ۋەرنیشتی پارێزنمۍ".

هامسەرۆکو ناوچەو سەورەگی دەم پارتی عەلی دوساک واتش: "جە ۋەرنیشتەنە سیاسەتو جەنگی پیسی ملۆڕاوە. کۆبانێ نەکەوت، کەمامەو ئاڎیشا کۆت. یۊبیەی کوردا بە ماناو هەنگامەی یووەمەو بنیاڎنیای ئازادی مۍ و ئا مۆدێلە کە جە لایەنو ڕابەرایەتییوە بنیاڎ نریان. کورد پەی گرڎو گەلا جەهانی نمونەن".

ئەرەیاۋناکەی بە دروشمۆو "بژیۋۆ مڎرامانوو ۋەرنیشتی"، چەپڵۍ و هەلهەلە دمایش پنە ئاما.