هه‌په‌گه ئشناسنامە‌و ئا دووە گه‌ریلایاشە به‌ستانە گەشمەرڎۍ بیۍ وەڵا کەرڎۊ و ئەرەیاوناش به پاگێرتەیرە سه‌روو خەتۍ ئاپۊییۍ و به بڕوابییەی به سه‌ركه‌وتەی، به حەزێوە گه‌وره‌وه، ساڵانۍ گژیۍ و دەورۍ كاریگه‌رشا گێڵنا.
ناوه‌ندوو ئەرەیاونای و چاپه‌مه‌نیی هه‌په‌گەی جە ئەرەیاوناێوەنە ئشناسنامە‌و دووۍ گه‌ریلایاش وەڵا كرڎۊ، كه جە مەنتێقەو به‌ستاینە سەرنیشتوو كوردستانینە گەشمەرڎۍ بیۍ.
جە ئەرەیاوناکەو هه‌په‌گەینە ئامان، "شه‌وەو ٣ی ته‌مووزی جە مەیدانوو كانی غه‌زالوو سه‌ر به به‌ستاو بۊتانینە، هامڕێما میرزا و به‌نگین سه‌روو هەرمانێشاوە بێنۍ. تا شه‌وەو ٤ ته‌مووزی هجوومێوە دوژمنینە گەشمەرڎۍ بیۍ. هامڕێما میرزا و به‌نگین، كه جە جه‌نگاوه‌رە ورکەوتە ئاپۊییەکا بێنۍ فرەو مەنتێقەکاو بۊتانینە گه‌ریلایه‌تیشا كەرد، گورزی قورسشا وەنەو دوژمنی دا و بیۍ بە فه‌رماندۍ چەنەئامۍ گه‌ریلای مۊدێرنیته‌و دیموكراتی. به پاگێرتەیرەوە سه‌روو خەتۍ ئاپۊیی و بڕوابییەی به سه‌ركه‌وتەی، به حەزێوە گه‌وره‌وه، ساڵانێۍ گژیۍ و دەوری كاریگه‌رشا گێڵنا.
هامڕێما میرزا و به‌نگین به هه‌ڵوێس، ئازایه‌تی و قاره‌مانێتیی وێشاوە دیامە سەرمەشقێمانۍ. سه‌ره‌وەشیما ئاڕاسته‌و بنه‌یانەی وەڵاتپارێزن و به‌ڕێزوو ئا هامرا گەشمەرڎاما و گردوو خەڵکی نیشتمانپەروەروو کوردسانی کەرمۍ.
زانیاری باره‌و ئشناسنامە‌و ئا دووە هامڕا گەشمەرڎاماوە ئینەن:
ئشناسنامێ: میرزا بارگران
نامۍ و دمانامێ: میرزا سه‌زه‌ك
یاگۍ پەیدابییەی: سێرت
ئەڎا- تاتە: لەیلا-عیسا
وەخت و شۊنەو گەشمەرڎەبییەی: ٤ تەمووزوو ٢٠٢٣ / به‌ستا
ئشناسنامێ: به‌نگین بارمان
نامۍ و دمانامێ: قاره‌مان كاراتاش
یاگۍ پەیدابییەی: مێردین
ئەڎا- تاتە: فاتمە-محه‌مه‌د شوکرو
وەخت و شۊنەو گەشمەرڎەبییەی: ٤ی تەمموزی ٢٠٢٣ / به‌ستا
س.ز
