سەرۊکی گرڎینوو ئەهەپەی واتش، هامپەیمانیی ڕەنج و  ئازاڎی پەی سەرۊککۊماری کاندیدش نەبۍ و ئینە دەرفەتێوە گرنگا و ئەرەیاوناش، ئاڎۍ بەرەو دیموکراسییشا کەرڎۊ.

هاکان ئوزتورک سەرۊکی گرڎینوو پارتوو جمیەروو ڕەنجدەرا (ئەهەپە) پەی ئاژانسوو هەواڵوو فورات (ANF)ی، قسێش کەرڎۍ.

ئوزتورک باسوو ئانەیش کەرد، کە ئادۍ مەشغووڵی پەرسێوە فرە گەورێنۍ و واتش، " ئیتر گرڎکەس مزانۊ، کە ڕژێمی یەککەسی ئینا بەینوو کەرڎەی دەسپۊتیکی و کرڎەوەی تەرسدارینە. بابەتوو بێهەرمانییچ هەن. ماوێوە تەر ئیتر خەڵک دەس ور گێرا جە گێڵای شۊنەو هەرمانێرە، هومێدوو دیەیۊ هەرمانێشا مەمەنۊ. پەوکای پێویسا ئێمە دژوو ڕژێمی تاکەکەسی مردمێوە."

' فرسەتێوە خاسما پەی ئامان وەڵێوە'

ئوزتورک ئەرەیاونایچش کە پێسە هامپەیمانیی ڕەنج و ئازاڎی، دیارینەکەرڎەی کاندیدوو سەرۊکایەتی دەرفەتێوە خاسا و واتش، " ئیسەنە پەی ئانەی هێزەکۍ یۊی گێرا، بارودۊخێوە گونجیا هەن. پێویسا یۊ گێرمۍ و ڕژێمی تاکەکەسی دلێنە بەرمۍ."

' ئەوەڵۊ دەسەڵاتی ماڕمێ'

ئوزتورک ئەرەیاوناش، ئەوەڵۊ حوکمەتی تازە پێک مۍ و چێەوکۍ فاڕیا و دماتەر پەی چارەو قۊرتەکای تەری کۊشیەیمۍ و واتش، " تورکیانە فرەو چێوا هەنۍ، کە پێویستە فاڕیا. جە تەندروستی تا ئابووری، قۊرتۍ جیددێی هەنۍ و ئێمە ڕاو چارەسەریما هەنە. وەلۍ پەی ماڕای ڕژێمی تاکەکەسی، پێویسا ئێمە پێسە ئۊپۊزسیۊنی کۊمەڵایەتی یۊی گێرمۍ. پەوکای هامپەیمانیی ڕەنج و ئازاڎی پێویسا حەوڵۍ فرۍ بڎۊ."

س.ز