پەرلەمانتارو دەم پارتی شاری ئیدری، ییڵماز هون ئەرەیاۋناش، پیلانگێڵنی مېیاننەتەوەیی نەیاوا بە مەرامو ۋێش و واتش، فکرەکۍ ڕابەر ئاپۆی جە گرڎو جەهانینە وەڵا بیەنۆ و بیێنۍ بە هیواو گەلا.
پیلانگێڵنی مېیاننەتەوەیی بە سەرکردایەتی ئەمریکای و بەریتانیای و بە بەشداری بەشێوە فرە جە وڵاتا ٢٧ ساڵێش ۋېیەرنا. ڕابەر ئاپۆ جە ١٥و شوباتو ١٩٩٩بە پیلانێوە ماننەتەوەیی ڕادەسو تورکیای کریا. چا کاتۆ تا ئیساتۍ ڕابەر ئاپۆ جە گۆشەگیری ڕەهانە زینانی کریان. سەرەڕاو ئانەیچ پەی چارەسەری دیموکراسیانەو پرسو کوردی و دیموکراتیزەکەردەی تورکیای هەوڵێوە فرەشدان.
ییڵماز هون، ئەندام پەرلەمانو گەلوو ئیدری جە پارتو یەکسانی و دیموکراسی گەلا (دەم پارتی) جە دیدارێوەنە چنی ئاژانسوو هەواڵوو فوراتی (ANF)ی سەبارەت بە پیلانگێڵنی مېیاننەتەوەیی، ئەرەیاۋناش ئی پیلانگێڵنییە نەک تەنیا ڕابەر ئاپۆ، بەڵکم گرڎو گەلا ۋەرکۊتوو مېیامینی و گەلوو کوردیش کەرڎ ئامانج.
"جە حەقەتینەنە ئی پیلانگێڵنیە جە دژو 'مۆدێرنیتەی دیموکراتیک'ی پەرەش پنەدریان کە ئېژا ئۆجالان جە دژو سیستەمو مۆدێرنیتەی سەرمایەداری و ئا مۆدێلە تازەی کە جە ۋەرکۊتوو مېیامینینە جە دژو سەرمایەداری و ئەرەگیری وەشش کەردەبۍ، پەرەش پنەدابۍ. ئېژا ئۆجالان خاوەن ویرۆکێوە بۍ، پۊکەی هەوڵ دریا جە کەسایەتی ئاڎینە ئیرادەو گەلوو کوردی، هیواو گەلا ۋەرکۊتوو مېیامینی و جەهانی باڵبەس بکەرا، بەڵام ئېژا ئۆجالان هەم جە ڕوو فیکرییوە و هەم جە ڕوو مەعنەویۆ وەرەنگارش بیۆ، ڕا و میتۆدی تازەش جە دژو مۆدێرنیتەی سەرمایەداری دەس پنەکەرڎ.
"ویرۆکەکۍ ئېژا ئۆجالانی جە جەهانەنە وەڵا بیێنێوە"
هون بە ئاماژەدای پانەی کە پیلانگێڵنی مېیاننەتەوەیی نەیاوا بە مەرامو ۋێش، واتش: "ئېژا ئۆجالان چوار ساڵېن ئینا گۆشەگیریی ڕەهانە. ئینە جە حەقەتینەنە ماناش ئانێنە کە هەوڵدریان هەتا ویرۆکەکۍ ئېژا ئۆجالانی نەیاوا بە گەلی. بەڵام چینەینە سەرکۊتۍ نەبیۍ. ئارۆ فکرەکۍ ئېژا ئۆجالانی نەک تەنیا جە ۋەرکۊتوو مېیامینی و کوردەسانینە، به ڵکم جە گرڎو جەهانینە، جە وڵاتا جیاجیای، جە زانشتگە و ئەکادیمیاکایچەنە وەڵا بیەنۆ و باسش سەر مکریۆ.
ئی ئاژە ئانەما پەی ڕۊشن مکەرۆوە کە ئیساتۍ فکرەکۍ ئېژا ئۆجالانی جە گرڎو جەهانینە وەڵۍ بیێنێوە. ڕوانگەو چارەسەری کێشەکاو مرۆڤایەتی پێشکەش مکەرۆ و بۆ بە مایۍ هیوای پەی مرۆڤایەتی. ئا ئامانجەی کە ماوەو ٢٦ ساڵا پەیڕەو کریا، مەبەس ئانە بۍ کە فکرەکۍ ئېژا ئۆجالانی بە تەمامی زیناانی بکریا و مەرامەکۍ ئازادیی گەلوو کوردی دلېنە بەرا و نازا ئی ویرۊکۍ جە جەهانەنە وەڵۍ باوە. بەڵام ئی مەرامەو پیلانگێڵنا نەیاوا مەتڵەب و شکسش ئارڎ. ئارۆ مەڵامەتوو ئانەی کە تورکیا ئینا چی قەیرانێنە کە جارێوەتەر ڕووە مکەرۊوە لاو ئېژا ئۆجالانی نیشانۍ ئانەینە، قەیرانە گرڎو وڵاتیش گېرتەنۆ. ئینەیچ ئانەی بەروزۆ کە ئا کەسەی کە متاوۆ پرسەکەی چارەسەر بکەرۆ خودو ئېژا ئۆجالانیا. "چی ڕوانگۆ بە عالی مېیاومێنە پیلانگێڵنی مېیاننەتەوەیی نەیاوان بە مەرامو ۋێش."
"چارەسەری ئینا ئیمرالیی"
ییڵماز هون ئاماژەش بە گلېرۊبیەکا ڕابەر ئاپۆی و شاندو دەم پارتی کەرڎ و واتش: "کاتێ تەماشەو پرۆسەو گفتوگۆکا ئیساتۍ و سەرەتاو گفتوگۊیەکا مکەرمۍ، ئانەما پەی بەرگنۆ کە ئی ئەنجامۍ بەمەڵامەتوو مڎرامانوو گەلوو کوردیۊ جە چوار پارچەو کوردەسانی و تورکیای و جەهانی و شکسو دەسەڵاتینە ئامێنۍ وەڵۍ. مەڵامەتو گرڎو قەیرانەکا وڵاتی، پرسی چارەسەرنەکریاو کوردین. گرڎ فرە عال مزانا کە کرێڵو چارەسەری گرڎو ئی کێشا ئینا دەسو ئېژا ئۆجالانینە. دەسەڵاتیچ عال مزانۆ.
هەشت ساڵی ۋېیەردە نیشاندەرو ئانەینە ئا گۆشەگیرییە ڕەهایەو سەرو ئېژا ئۆجەلانیرە سەپیان، هیچ ئەنجامێوەش نەبیەن. تورکیا ئینا قەیران و وەربەستی فرە قووڵەنە و مەڵامەتەکەش پرسو کوردی و ئا گۆشەگیرییە ڕەهانە کە سەرو ئېژا ئۆجالانیرە سەپیان. بە دڵنیاییوە چارەسەری ئینا ئیمرالینە. ئا کەسەی متاوۆ کێشەکاو تورکیەی و ۋەرکۊتوو مېیامینی و جەهانی بیاونۆ بە چارەسەری بەدلنیاییوە ئېژا عەبدوڵا ئۆجالانا و ئا کەسەی چارەسەریش پێشکەش کەردەن ۋێشا. پۊکەی جارێوەتەر جە بەرەو ئیمرالیشا دا و لوێوە پەی لاو ئېژا ئۆجالانی هەنگامێوە عالەنە و مشۊم ئا دەرفەتۍ پەنەوازێنۍ پەی چارەسەری پەی ئېژا ئۆجالانی ڕەخسیانە."
