ئۆزگور ئۆزەل ناڕەزاییش وەراوەرو کودەتاو قەیومینە نیشانەدا
سەرۆکو گرڏینو جەهەپەی ئۆزگور ئۆزەل جە دژو دەس سەرەرەگێرتەی شارەوانی گۆرە شارو وانی ناڕەزایەییش نیشانەدا و واتش: "مشۆم ۋنە پەرسایۆ چی دەسسەرەرەگێرتا بکریۆ."
سەرۆکو گرڏی جەهەپەی ئۆزگور ئۆزەل جە باڵەخانەو پارتەکەیشەنە جە ئەحمەدلی ناڕەزایەتیش دژو دەس سەرەرەگێرتەی شارەوانی گۆرەو شارو وانی نیشانەدا و واتش: "چێوێ وەرگە نەگیریان، دەسەڵات هین و گەلیا، ونە پەرسایۆ چا کەسا مکەرمێ دماو ئانەی جە ڕاو گەلیۆ هورچنیا، دماتەر وێشا پێسەو سەرۆکی و دەسەڵاتداری سەپنانە. چێوە داوا جە ئەردۆغانی مکەرو، گەلەکەما کێش هورچنییەبۆ ئانە تاجو سەرەیمانە. بەردەوامی پی هەرماناتە چاڵە هورگەنی پەی وێت. پەنەوازا سەرت وەرگەو ئا کەسا هورچنیێنێ پەی گەلی گێری. ئەر تاوانێشا بۆنە! مشۆم ئەنجوومەنو شارەوانی وێش سەرۆکو شارەوانی وێش هورچنۆنە."
جە بەردوامیینە ئۆزەل ئاماژەش پانەیەدان جەماوەو ئی چن ساڵەینە چنین شارەوانیێ قەیومیشا سەرەرە سەپیان، دەسنیشانش کەرد، ئەر تاوانێشا هەنە ئانە مشۆم جە ڕاو دادگایۆ یەکلای کریۆوە و ئینەش وات: "چێوێ وەرگە نەگیریان تۆ (ئەردۆغان) بە بەردەوامی دەس سەرو ئەنجومەنو شارەوانییەکارە گیرینە."
ئۆزەل ئاماژەش پانەیە کەرد کاتێ کاندیدێوە نریۆرە پەرس بە دۆڵەتی کریۆنە. دۆڵەت گرەنتیشانە.
