فەرماندەیی قەرارگەو مېیانی یەژا ستاری بە نامونیشانو " ڕۊبیەو ڕابەر ئاپۆی، ڕۊبیەو ئیرادەی ئازادین" پەیامێوەش وەڵاکەرڎۆ و ٤ و نیسانیش پیرۆز کەرڎ.

جە سەرەتاو پەیامەکەینە ماچۆ: "بۊنەو ٧٦ ەمین ساڵیاڎو ئیرادەی ئازادیی، واتە ڕۊبیەو ڕابەر ئاپۆیۆ، ئی ڕووەیە جە تەمامو گەلا و ژەنا، بەتایبەت ژەنا کوردی و گەلو کوردی پیرۆز مکەرمۍ. ئی ٧٦ ساڵەی جە کەسایەتی ڕابەر ئاپۆینە ژیۋای مکریۆ، سەرو بناغەو بەها جەوهەرییەکا، سەرجەنۆ خوڵقنای ئینسانی ئازادین. ئا ئیرادەی دلۍ دڵو ڕابەر ئاپۆینە هۊرقوڵیۆ، بۆ بە زەمینەو خوڵقنای ژەنۍ ئازادۍ و گلېرگەی ئازادی!".

درێژەو پەیامەکەی پی جۆرەنە:

"تاریخو جەهانی، بە جە ئەڎابیەی و بەرکۊتەی ڕابەر ئاپۆی هەنگامېوە گرنگەش بەرەو ئازادی نیا. پۊکەی بە جە ئەڎابیەی ڕابەر ئاپۆی، ڕۆ دماو ڕۆی مرۆڤایەتی زیاتەر جە ئازادی نزیکتەر بۆوە. ڕابەر ئاپۆ کە چڼین جارۍ سەرجەنۆ ۋێش خوڵقنا، بە واتەی ۋێش؛ ڕوۍ ٤٠ جارۍ جە کەسایەتی ۋێشەنە شۆڕشش پێکئاورد. ئی شۆڕشە فاڕیا پەی ئازادیی شۆڕشو ڕزگاریی ژەنۍ، شۆڕشو نەتەوەی دیموکراتیکی و جە مەعنای گرڎینەنە بی بە شۆڕشێوە ئەنتەرناسیۆنال.

ڕابەر ئاپۆ جە کەسایەتی ۋێشەنە پیاسالاریش کوشت

ژیۋای و ئەوەکۊشای ٧٦ ساڵەو ڕابەر ئاپۆی، بەتایبەتی دژ بە کۆیلایەتی ژەنۍ، دەسوەردایۍ بۍ کە چەرخو ئیساتێش بەپێچەوانۆ گێڵنا. جە هەمڕایی زاوڵەیی ئەلیفێوە تا ساراکا، جە زیلان و بێریتانۆ تا دما گەشمەرڎەکاما، ڕابەر ئاپۆ هەمیشە ڕاستەقینەتەرین هەمڕا بیەن پەی گرڎو ژەنا کوردی و ژەنا جە سەرانسەرو جەهانینە. ڕابەر ئاپۆ جە کەسایەتی ۋێشەنە پیاسالاریش کوشت و سنوورو جنسیش ۋېیەرنا. پۊکەی ڕەنجێوە بێهامتاش پەی ڕزگارکەردەی ژەنا جە سیستەمو ستەمکارینە نیشانە دا و ڕاش پەی شۆڕشو ژەنا وەش کەرد.

کوردش جە چنگەو قڕکەردە ڕزگار کەرد

بە جە ئەڎابیەو ڕابەر ئاپۆی، کورداو چېرو چنگەو قڕکەردەی، بیۍ بە دارو پارېزنای و زانستی و تا ئۍ زیاتەر جە چنگەو قڕکەردەی دوورۍ کۊتۍ. گەلو کوردی کە دلۍ چاڵەو نکۆڵی و پاکتاوینە دما هەناسە هۊرلوشۍ، ڕابەر ئاپۆشا پېسە تەنیا ڕاو ڕزگاری وینا و دەورشەرە کوۍ بیێوە. پۊکەی چڼین ساڵێن، گەلو کوردی و ژەنا و گلېرگەی جە تەمامو جەهانینە، ڕۊبیەو ڕابەر ئاپۆی پېسە ڕۊبیەو ۋێشا موینا و پیرۆزش مکەرا.

جە یووەمینۆ تا دمایین جە ئەڎابیەی، سنوورەکۍ تەنیایی و جنسیش ۋېیەرنۍ

ڕابەر ئاپۆ ئازادتەرین ئینسانا کە چارەنوویسو وێش نوویستەنۆ و ئا چارەنوویسە کە سەردەسەکێ نیاشا جە ڕەگۆ هورشاشاناوە و پووچەڵشا کەردۆ. حەر جە زاڕۆڵەییۆ ئەوەکۆشای دژوار پەی ئازادی مکەرۆ. دلێ ئا ئەوەکۆشایشەنە ژیواو وێش بە یەرێ ئەڏایا بیێ وەسف کەرد. ڕابەر ئاپۆ جە یوەم جە ئەڏایابییەی تا دماین جەئەڏایا بییەی، سنوورو تاکایەتی و ڕەگەزیش ماڕا، گرڏو ڕووەداکا دلێ مەشکی و دلێش پاکێ کەردێوە و کەردێش بە موڵکو ژەنێ و گلێرگەی.

تەنانەت جە ماوەا ٢٦ ساڵا گۆشەگیریش جە ئیمراڵی، ڕابەر ئاپۆ جەئەڏایا بیێ ئازادەکا وێشنە بەردەوام کەرد. هێزو کەسێتی ئازادیش نیشانە دا، کە هیچ سیستەمێوە دیلێتی نمەتاوۆنە بە دیل گێرۆنە. جە هەلومەرجو ئیمراڵینە پارێزنامەکێ پیای ئازادی و ژەنێ ئازادە و گلێرگەی ئازادش نویساوە. چێگەنە گرنگترین هەنگامەو پارادایمو و فیکری و زانستی وێش نیان.

ئانا ئارۆیچ تاریخ شایەتحاڵو جەئەڏایا بیێوە تەرا دلێ دیوارەکا ئیمراڵینە. ڕابەر ئاپۆ جارێوە تەر هەنگامێوە تاریخی منیۆنە کە بە سەرمەشقایەتی ژەنا، ئازادی بە ئینسانی بەخشۆنە. پۆکەی ئارۆ ئی هەنگامە تازێ جەلایەنو گرڏو ژەنا و گلێرگەی و گەلی و ڕۆشنویرا جەهانیۆ پاڵپەشتیش کریۆنە.

بانگەوازەکەو ڕابەر ئاپۆی کە چێرو نامێ ئاشتی و گلیرگەی دیموکراتیک ئەرەیاویا، جە نەورۆزو ئێساڵینە جێ‌یاگە بەنجێ وێش و نامێ وێش جیائاستە. نەورۆز کە گرڏ ساڵێ پێسەو ڕیفراندۆمو گەلا ملۆ ڕاوە، ئێساڵ جارێوە تەر هێزو ڕابەر ئاپۆیش بە قەبارێوە جەماوەریی بە گرڏو جەهانی نیشانە دا. پێسە چنین ئێمە هێزو وێما جە ڕابەر ئاپۆی هورگێرمێنە، ئانەی کە هێزو ڕابەر ئاپۆچ دەستنیشان مکەرۆ، پەشتیوانی ژەنێ و گەلان.

مێڏانەکۍ نەورۆزی تەختو فاشیزمیشا جە بنۆ لەرناوە

چی ڕوانگۆ، مێڏانەکا نەورۆزی بە سەرمەشقایەتی ژەنا، ئیرادەو گەلاش بەڕۆشنی نیشانەدا و تەختو فاشیزمیش جە بنۆ لەرناوە. چی مێڏانەو نەورۆزینە داواکاری ئازادیی ڕابەر ئاپۆی بە ڕۆشنی و ڕاشکاوانە نیشانە دریا. گەل و بەتایبەت ژەنی کە مزانانە دیلێتی ڕابەر ئاپۆی دیلێتی یایشان و ئازادی ڕابەر ئاپۆی ئازادی ئایشان، بەشێوەی جەماوەری داواو ئازادیی ڕابەر ئاپۆی، واتە داواو ئازادیی وێشا مکەرا.

هەڵبەتە پەی ئانەی ئاشتی و ئازادی و ئی ئیرادەیە جە بندەسو ستەمکارانە نەمەنۆوە. ئانەی ئازادی و ئاشتی بەدی مارۆنە، ئی ئیرادەو دلێ مێڏانەکا نەورۆزی وینۆنە. پۆکەی مشۆم بەخاسی چی هەنگاما یاومێنە کە ڕابەر ئاپۆ دەسش پنەکەردەن و بە درووسی جابەجێش بکەرمێنە. مەبۆنە چارەنووس و ئاشتی و ئازادیما چێرو دەسو دوژمنانە جیابازمێنە.

پەی ئازادیی ڕابەر ئاپۆی، میراتو گەشمەردا بە سەرکەوتەی تاجدار مکەرمێنە

پۆکەی پێسەو هێزەکا یەژا ستاری، ماچمێنە ڕۆوبییەو ڕابەر ئاپۆی ڕۆوبییەو ئێمەن، واتە بییەو ئێمەن. پۆکەی ئا ئیرادەما هەن، کە پەی ئازادی ڕابەر ئاپۆی، جە زیلان و بێریتانۆ تا ئاسیا عەلەوییەکا، میراتو گەشمەرڏاما بە سەرکەوتەی تاجدار بکەرمێنە.

دیسان ٧٦ هەمین ڕۆوبییەو ڕابەرو گەلا، ڕابەر ئاپۆی جە تەمامو ژەنا و گەلا پیرۆز مکەرمێنە. پێسەو هێزەکا یەژا ستاری، پەی بەدیئاردەو دەموودەس ئازادیی جەسەیی ڕابەر ئاپۆی، ئەوەکۆشایما بەرزتەر مکەرمێ. پەی بەدیئاردەو بانگەوازەکەو ڕابەر ئاپۆی، بەوپەڕو هێزیۆ هەڵوێس سەرو خەبات و ئەرکەکاما مکەرمێنە".