ئەرەیاونیاو فەرماندەیی قەرارگەو ناوەندیی یەژاستاری ئینەنە:

"فەرماندەیی یەژا ستاری و جەنگاوەریەی سەرمەشقەو پاژکی هامڕێما نوژیان ئامەدە هجوومێوە دەوڵەتی ئەرەگیروو تورکینە، پەی سەروو هەرێمەکاو پارێزنای مەدیای ٢٣ێ تەمووزوو ٢٠٢٣ێنە گەشمەردێ بییە. سەرەوەسیی وێما پەی بنەیانەوی بەڕێزو هامڕێما بەرموزمێ، سەرەو گەلوو کوردی وەڵاتپارێزنی و بنەیانەو گەشمەرداما ساق بۆ. وەعد مدەیمێ سەروو ڕاو نوژیانێ هامرێماوە، گردوو ئامانجەکا دەس وزمێ.

زانیارییەکێ سەروو شناسنامەو نوژیانێ هامڕێما ئینێنێ:

ئشناسنامێ: نوژیان ئامەد

دمانامێ: ساڵیحە ئاکبیک

یاگێ پەیدابییەی: ئامەد

نامێ ئەدێ و تاتەی: ئامینە- عەزیز

شۆنە و وەختوو گەشمەردەبییەی: ٢٣ی تەمموزوو ٢٠٢٣/ هەرێمەکاو پارێزنای مەدیای

نوژیانەی٧ هامڕاما، ساڵەو ١٩٧٠ی دەگاو کوباشی مەنتێقەو بسملێ ئامەدینە پەیدێ بیێنە، پێسەو گردوو مەنتێقەکاو کوردسانی ژیوگێوە دۆڵەمەندەنە گەورێ بیێنە، کە ڕاو کشتوکاڵی و هەرمانێوە بژێوییش پەیدا کەردەن. بۆنەو کێشەی ئابوورییی خێزانەکەیشۆ ، ساڵەو ١٩٨٤ی چەنی خێزانەکەیش ڕووەەشا کەردە مەنتێقەو تارسووسو مێرسینی. ماوەو پڕۆسەو سەرەهورداینە ساڵەکاو ١٩٩٠-١٩٩٢ێ مدرامان کوردسانەنە کاریگەریی فرەش سەروو بنەیانەکەیش بێ. بۆنەو ئینەیوە زیاتەر هەست بە هەرمانێ و وەرپەرسیی وێش کەرێ و یاوا ئاستێوە بەرزوو وەڵاتپارێزنی. بۆنەو ئینەیوە گەشمەردێ فرێ بنەیانەکەشانە بێنێ. سەردەمو گەنجینە بۆ بە شایەتحاڵەو هجوومە فاشیستی و قڕکارییەکاو دەوڵەتی ئەرەگیروو تورکی پەی سەروو گەلەکەیما. ئینەیچ بی بایسوو ئانەیە کە تووڕەیی دڵوو نوژیانێنە وەراوەروو دوژمنینە زیاتەر بۆ. پەوکای دژوو کوشتەی گێرتەی و کوشتەی نهێنێ چۆڵکەردەی دەگایەکا، پێسەو ژەنێوی گەنجێ وەردەموو واقیعوو دوژمنی دڕندەی و ئەرەگیرینە فرە تووڕێ بێ. وەلێ هەمان وەختەنە وێگێری و ئیرادەو گەریلاکاو ئازادیی کوردسانی دژوو سیاسەتوو نکۆڵی و دلێنەبەردەی و ئا سەرەوردایا کە ڕوانە پەرەشا سانابێ دیێش. گرد کارییگەرییشا سەرش بێ، مێرسینی گەورەشاروو تورکیاینە ژیوێ، وەلێ دڵسۆزی و وەشەسیایش پەی خاکەکەیش حەرگیز کەم نەکەرێ. سەرەمڕ شۆنەو فرسەتێوەرە گێڵێ، تا بیاوۆ ئا خاکەیە کە دلێشنە پەیدێ بیێنە. پی دڵسۆزی و وەشەسیاییوە، سەرەمڕ شۆنەو ڕووەدایەکاو کوردسانیرە گێڵێ. هەمان وەختەنە زیاتەر شایەتەو سیاسەتوو ئاسمیلەکەردەی و دژە کوشتووکالیی بێ دەوڵەتنە و شارەگەورەکانە. وەراوەروو ئی سیاسەتوو ئاسمیلەکەردەینە، جەوهەر و سرووشتو وێش پارێزنا. بەپێچەوانەوە پێسەو کناچیوە کوردێ دایمە سەروو ڕەگەکاو وێشۆ، بە زوان و کولتوورو وێشۆ ژیوێ. حەرچندە هەڵای گەنجە بێ، وەلێ جدوابی تندش داوە بە ئەرەگیرا کە دژوو دوژمنی بلۆ کەشەکاو کوردسانیوە.

بۆنەو ئا ڕووەدایاوە دماو ساڵەو ١٩٩٣ کوردسانەنە ڕووەشا دا و گردوو مەنتێقەکاو کوردسانی و بەتایبەت سەرنیشتوو کوردسانیوە گەنجێ پێڕ پیڕ رووەشا کەردە کەشەکاو کوردسانی. نوژیانەی هامرێچما بە کاریگەریی هەرمانەکاو ئەرنەکەی ساڵەو ١٩٩٣ بەشدارە بییە. باورش پانەیە بێ تەنیا تەڤگەری ئاپۆیی متاوۆ بۆ بە جوابدەرەوەو ئازادیی ژەنێ و گەنجا و گەلی بندەسی، پەوکای چا وەختەنە دژوو سیستموو قڕکەردەی مێ دلێ ڕیزەکاو ئازادیی کوردسانیوە.

نوژیانەی هامڕێما، پەروەردەکاو کوشی و ئەزموونوو هامڕایە سەرمەشقاشۆ، ئەزموونێوی خاسش جەم کەردۆ، چێروو کاریگەریی گەشمەردە بێریتانێ و چندین هامڕایانە، کە چا سەردەمەنە گەشمەردێ بیێ، وەعدوو بییەی بە ئینسانێوە شکۆدارییش دا بە وێش، پێسە ئا چیوێ کە فەلسەفەو ڕابەر ئاپۆیوە هورش گێرتێبێنێ، بەدڵسۆزیی یاونێش بە هامڕایەکاش.

تارێخوو تەڤگەروو ژەنێ ئازادێنە، ساڵەو ١٩٩٣ سەردەمێوی تابیەت بێ، پەی یادکەردەیوەو گەشمەردە بێریتانێ.(گوڵناز کاراتاش) ساڵەو ١٩٩٣ ڕابەر ئاپۆ پەی قەوەتکەردەی و فراوانکەردەی تەڤگەروو ژەنە ئازادا 'بەسوپابییەی ژەنا'ش وەش کەرد. نوژیانەی هامڕاما، پەی پەرەدای بە بەسوپابییەی ژەنا هەرمانێوی گەورێش کەردە. پێسەو ژەنێوە بە ئیرادەو وێشۆ، مەیدانەکاو گەریلاینە بە ڕۆحێوی نەتەوەییوە گردوو هەرێمەکاو کوردسانینە فەرماندارییش کەرد. سەروو ئی بنەمێچە مەیدانی کۆمەڵایەتینە هەرمانێوە گەورێش کەردە، دماو هجووموو چەتەکاو داعشی پەی سەروو وەرنیشتوو کوردسانی، ملۆنە وەرنیشتوو کوردسانی،پەی وەرگێریی هجوومەکاو داعشی و پەروەردەو گەنجا، هەرمانێوی گەورێش چا هەرێمەنە کەردە، لاێوە تەرۆ پەی رێکوستەی سیستموو نەتەوەی دیموکراتی سەدا گەنجێش پەروەردێ کەردێ.

نوژیانەی هامڕاما گرد وەختێ وەڵێنیاروو لوای پەی مەیدانە سەختەکاو جەنگی کەرێ، پەوکای بییە سیمبوڵەو هامرایی و فیداکاری و بییە بە نموونێوە میلیتانییەی ئاپۆییە. سەروو ئا بنەمێوە واوەی سەرەوەشیی وێما، پەی بنەیانەی بەڕێزوو نوژیانێ هامرێما و گردوو گەلی وەڵاتپاریزنی بەرموزمێ. پێسە چەنی تەڤگەرەکەما سەروو یادوو گەشمەرداوە هەنگامێ گەورێش نیێ، واوەی ئەوەخوایش مکەرمێوە بە ڕۆحوو کۆشیای گەشمەرداماوە، سەرکەوتەی گەورە بەدەس مارمێ.