جە زانکۊو بریتانگنوو شاروو لۊریئەنتوو فەڕەنساینە، وانیاراو کوردی و دۊسەکێشا، بارەو ژەنۊلۊژی و تاریخوو کورڎسانیوە کۊنفڕانسێوەشا ساز کەرد. "سارا مارچا" جە ناوەندوو ژەنۊلۊژیی بروکسەلینە پێسە قسەکەرۍ بەشڎارییش کۊنفڕانسەکەنە کەرد. "دۊغان داغهان" پێسە وانیارۍ کورڎسانی جە ڕاو بەڵگەفیلمێوە، باسش جە تاریخوو کورڎسانی کەرد.

بەشوو دووەموو کۊنفڕانسەکەینە "سارا مارچا" قسێس کەرڎە و جە بابەتوو ژەناو کوردی و ژەنۊلۊژینە، بە بەڵگەفیلمێوە، قسیش پەی وانیاراو زانکۊی کەرڎە. مارچا واتش، " ئێمە تاریخوو ژەنا ور سەنگنمۍ. وەختوو پڕایۊنە جە گلێرگەی سروشتیوە بەرەو گلێرگەی دەوڵەتی، پێویسا ئێمە کۊشیای ژەنا خاس بزانمی. کۊشیای ٥ هەزار ساڵەو ژەنۍ میزۊپۊتامییانە دەسش پەنە کەرد و کاریگەرییش سەروو گرڎوو دنیێوە وەش کەرد. دروشموو 'ژەنی، ژیوای، ئازاڎی' بە کۊشیای گەلوو کوردی جە دژوو هێزە ئیمپریالیست و ئەرەگیرەکا، جە کورڎستان و گرڎوو دنیێنە وەلا بییەنۊ. ژەنی ئارۊ متاوا وێشا بەیاوە زوان، کۊمینەکاشا هامشێوەو وەرنیشتوو کورڎسانی بنیات بنیا، ئینەیچ نیشانەش مڎۊ، کە کۊشیای ئازاڎیی کوردی، چە نرخێوە بە ئینسانیەتی بەخشۊ.

ئازاڎیی ژەنۍ، پیمانەی بناغەیی پەکەکەین. پەکەکە جمیەرێوە چانەن، کە ئازاڎیی کورڎسانی جە ئازاڎیی ژەنێنە وینۊوە. پەوکای پیویسا تەماشە کریۊ، کە ژەنی ئی جمیەری بە چە ئایدۊلۊژیۍ و پڕۊسێوە بەرا ڕاوە. پێسە جە ئامانجوو ژەنە پەکەکا حاڵیۍ بیمۍ. وەروو ئانەی "ساکینە، فیدان، لەیلا" ژەنی شۊڕشگێڵنۍ بێنۍ. سەرمەشقۍ بێنۍ، گەرەکشا بۍ سیستمی فاڕا، پەوکایچ کریۍ ئامانج."

بەشوو دووەموو کۊنفڕانسەکەی، بە پرسیار و جواب  درێژەش بۍ.

س.ز