مەجلیسو ژەنا جە شارەکا ماینز و ڤیسبادنی و بینگنی ئەڵمانیاینە جە چوارچێوەو هەڵمەتەکێ تەڤگەروو ژەنا کوردینە پەی ئازادی ڕابەروو گەلوو کوردی عەبدوڵا ئۆجالانی، زیاتەر جە ٤٥٠ نامێشا کیاستێ پەی کۆمیتەو ڕاگێرتەی جە ئەشکەنجەو (سی پی تی).

ژەنا تەئکیدشا کەردۆ، ئایێ گۆشەگیری ئیمراڵی قبووڵ مەکەرا و واتشا، ئایێ کۆشیایشا پەی هەڵمەتەو "ئازادی پەی عەبدوڵا ئۆجالانی، چارەسەری سیاسی پەی پرسوو کوردی" گەورەتەر مکەرا.