وەردەمو مییانو ڕێکوزیا و 'سارێ پەی وەرەنگاربییەیۆ تنوتیژی دژ بە ژەنا' جە دژو تنوتیژی دژ بە ژەنا جە کۆڵانە و حلکۆو قامیشلۆی ژەنی، چالاکێ و پارێزنەرێ مافەکا مرۆڤی بە مەبەسو شەرمەزار کەردەو کوشتە و ژەنێوە جە شارو قامیشلۆی گلێرێ بیێوە.

جە چالاکییەکەنە لافیتێ بە نویستە و "نا پەی کوشتە و ژەنا"، "ژەنی موڵکو کەسی نییەنه"، "ژەنی، ژیواینە" بەرزکریاوە.

ئەندامە و ڕێکوزیا و سارێ، تێکۆشین محەمەدە ئەرەیاونێوەش واناوە و ئاماژەش پانەیەدا ئازایەتەی بە بێدەنگی وەراوەر و تاوانەکا نییەنە، بەڵکوم بە دادگای کەردەی و ونە پەرسای جە بکوژین.

هەرپاسە جە درێژەو ئەرەیاوناکەینەی ئاماژە پانەیە کرینا کوشتە  ژەنێوە تەنها بەماناو جە دەسدا کەسێوە نمێ و وچیا: "جە هەمانکاتەنە تەمامو بنەیانەکەی جە یەکتری بڕیانر و بەمانا و ئانەی مێ ژەنی جە چوارچێوەو یانەکانە ژیوایشا پارێزیا نیا."

جە دماین و چالاکییەکەینە ڕێکوزیاو سارێ بانگەوازش پەی هورشانایۆ گرڏ و ئا یاسایا کەرد کە سزاو بکوش و ژەنا کەم مکەرۆوە، هەرپاسە جەختش چانەیە کەردۆ مشۆم سەر و بنەماو ڕەگەزی پێسە و تاوانێ جە دژو ئینسانیەتی بنریۆرە.