'ژیوای کۆبانێنە بنیاتنریاوە و بی بە سەرچەمەو ئیلهامی پەی ژەنا'
ئەنجوومەنو ژەنا دەم پارتی بەبۆنەو ١٠هەمین ساڵڕۆو ڕزگارکەردەی کۆبانێوە جە ئەرەیاوناکەیشەنە واتش: "ژیوای جە کۆبانێنە بونیات نریاوە، و بیی بە سەرچەمەو ئیلهامی پەی گرڏو ژەنا."
ئەرەیاوناکەو ئەنجوومەنو ژەنا دەم پارتی پی جۆرەنە:
"چەتەکێ داعشی کە جە سەدەو ٢١نە بە پشتگیری هێزە مییاننەتەوەیی و هەرێمییەکا گەرەکشابێ وەرکەوتوو مییامینی بکەرا بە تاریکستان، ١٠ ساڵێ چێوەڵتەر بە مڏرامانو داستانو ژەنا جە خاکو کۆبانێنە دلێنە بریێ. ئی مڏرامانە گۆرە بە سەرمەشقایەتی ژەنا کۆبانێ، پێسەو مڏرامانی و شۆڕشەکا ژەنا سەرو نامێ بەها مرۆییەکا لوێ تاریخۆ، کۆبانێی ڕزگار بی و بە هامکاری گەلە شکۆمەندەکەیش تاواش وێش و شناسنامەو وێش پارێزنۆنە.
کۆبانێ، سیمبولو مڏرامانی و ئازادییا، شارو ژەنان. ئاڏێ کە ئارۆ جارێوە تەر بە هامکاری چەتەکا کۆبانی بە ئامانج گێرانە، مشۆم خاس بزانا کە حیچ هێزێ نمەتاو جە وەراوەرو ئەوەکۆشای گەلا و ژەنا مردۆوە کە پەی ئازادی و یەکسانی بەراش ڕاوە، ژیوای تازە جە کۆبانێنە بونیات نریاوەبی بە ئیلهام بەخش پەی گرڏو ژەنا جەهانی.
سڵام چا ژەنا کە جە تاریکینە بیی بە ڕۆشنای پەی گەلەکەیشا. سڵام چا کەسا کە گلێرگەکەشا دلێ جەنگینە ژیوناوە. سڵام جە شۆڕشو ژەنا کۆبانێ."
