زینانیا کرشەهیری ئینۍ مانگېرتەینە
ئەرەیاۋېیان کە زینانیا زینانو کرشەهیری جە پیتو(س) ۋەرا ۋەر بە خراپ مامەڵەکەردەی ۋەرپەرسا زینانی، دەسشا بە مانگېرتەی جە واردەی کەردەن.
محەمەد کرداغ کە جە زینانو کرشەهیرینە جە بەشو (س)ێنە زینانی کریان، جە ڕاو تەلەفۆنیۆ چنی بنەیانەکەیش ئەرەیاۋنانش کە پەی ناڕەزایی بەربڕیەی ۋەرا ۋەر بە مامەڵەو خراپو ۋەرپەرسا زینانی، ماوەو ٣حەفتان دەسشا بە مانگېرتەی جە واردەی کەردەن.
قسەکەردەی بە زۋانی کوردی قەڎەغەن
محەمەد کرداغ ئاماژەش پانەی دان کە مانگېرتەی جە ۋاردەی جە ۋەرا ۋەرو فشارەکا و مامەڵەی خراپینە کە ڕۆ دماو ڕۆی تنتەر بۊنە دەسش پنەکەردەن. کرداغ باسش چانەیچ کەرڎ، قسەکەردەی بە زۋانی کوردی قەڎەغەن، کتێبەکۍ بە شێوێوە سنووردار مېیاوا دەسما، کاتێ ملمۍ پەی خەسەخانەیچ مامەڵەی خراپما چنی مکریۆ. کرداغ ئاماژەش پانەیچ دا کە زینانییەکۍ بە شێوازی جیاواز ئەشکەنجە مڎریا.
