ڕاوەبەری وەڵینو پارتو دیموکراتیکی گەلا (هەدەپە)و شەرناخی زەکی ئایدنی (٤٣ ساڵ)، چا خەسەخانەنە کە چارەسەری هۊرگێرۍ، کۆچی دماینش کەرد. ئایدن ساڵۊو ٢٠١٦ جە کاتو قەڎەغەو ئاماو لواینە جە شارەکەنە بە تۆمەتو "هامکاری ڕێکوستەی" زینانی کریا، جە زینانو جۆرو Tـی شەرناخینە تووشو سەرەتانو گەڎۍ بی، ساڵێوە زینانەنە مەنۆ و ئازاڎ کریا، جە خەسەخانەنە چارەسەری هۊرگێرۍ. ئایدن ئارۆ جە خەسەخانەو حکومیی شەرناخینە، کۆچی دماینش کەرڎ.

تەرمو ئایدنی جە لایەنو بنەیانەکەیش و هەڤاڵ و دۆساشۆ هۊرگیریاوە و جە قەبرسانو شەرناخینە ئەسپەرڎە بە خاکی کریا.

وەڵۍ ئانەینە تووشو سەرەتانی بۆ، ئایدن بەشێوێوە چالاک دلۍ ڕیزەکاو هەدەپەی و پارتو هەرێمە دیموکراتیکەکا (دەبەپە)ینە کۊشش کەرڎ.