دکتۆر مەنسور قوربانی، سەرۆکو ئەنجومەنو زەمین شناسی ئێرانی کە هاموەخت ئەندامەن جە دەستەو زانشتو زانشگاو بەهەشتی تارانی، جە چوارچوەی گرنگیدای بە هەرێمو هەورامانی و دمای تۆمارکەردەیش جەلاو یۆنسکۆیەوە چوون میراسێوی جیهانی، ئەنجومەنو زەمین شناسی ئێرانی کتێبو ”زەمین شناسی میراسو جیهانی هەورامانی“ بە ئی زووانە چاپ بکرۆنە.

قوربانی واتەنش: جە ئامادەکەردەی کتێبەکەی و چاپ کەردەکەیەشەنە ژمارێوی فرێ ئەکادیمیێ و شارەزێ (ئێرانیێ، ئێراقیێ و ئەوروپایێ) کە جە بوارە جیا جیاکانە کۆششان هەن، بەشدارێنێ. هاوەخت یۆ جە نامتەرین دەزگاکانو چاپی جە جیهانەنە هامکارەن،و ئامەدەگیش هەن.
نامبریا باس جە ئانەیە کەردەن: بە ئا جۆرە کە بەرنامەڕێزیش پەی کریان تا دمایی ساڵەو ٢٠٢٢ی مشیۆم کتێبەکە چاپ بکریۆنە و بوزیۆنە بازار.

دکتۆر مەنسور قوربانی سەرۆکو ئەنجومەنو زەمین شناسی ئێرانی، ئامادەکەردەی و چاپکەردەی کتێبو ”زەمین شناسی میراسو جیهانی هەورامانی“ بە گرنگ وەسف کەردەن و واتەنش: جەڕاو کتێبەکەیەوە زیاتەر هەورامانی بە ئێرانی و جیهانییەکان بەگردی و نەوەکێ دماڕۆی بەتایبەتی مشناسیۆنە و جە سەرجەم لایەنەکاوە هەنگامێ گرنگە و هژیارەنە پەی پارێزنای هەورامانی. هامزەمان کتێبەکە ببۆنە بە هۆکارێ تا شارەزێ و زانا بێگانەکێ سەردای هەورامانی بکەرانێ و جە بارەشەوە پەیجۆر بکەرانێ.