پرڎەو واڵەو و براڵەیی زوریخ- ئامەد، جە کانتۊنوو زوریخوو سویسراینە، مەراسیمێوە یاڎکەرڎەیۊشا پەی دەیان هەزار کەسا ڕێک وست، کە جە بوومەلەرزەکەو ٦وو شوباتوو کورڎسانینە، تورکیا و سووریانە مەرڎۍ. یاڎەکە وەرڎەموو پەرلەمانوو کانتۊنوو زوریخ-ینە لوا ڕاوە. چنڎین ڕێکوزیۍ گلێرگەی مەدەنی و نوێنەراو لایەنە سیاسییەکا بەشڎارییشا یادەکەنە کەرد.

پەی ئانیشا بوومەلەرزەکەنە مەردۍ، بە دەیەقێوە مردای ڕێز گیریا و مۊمۍ گیسیێنە. دماتەر ئەرەیاونایۍ بە نامۍ پرڎەو واڵەوبراڵەیی زوریخ- ئامەدی بە زوانی ئەڵمانی ونیاوە.

جە ئەرەیاوناکەینە ئامان، بە پاو واتەیيسمیی زیادتەر جە ٥٠ هەزار کەسا، بوومەلەرزەکانە مەرڎێنۍ و ئەرەیاونایچشا، "ئامەد کە واڵەوبراو زوریخین، ئانە کە دیار بۊ ٤٠٤ کەسێش بوومەلەرزەکەنە مەرڎێنۍ. هەزاران کەس بۍ خانەوڵانۍ بیێنۍ. بۊنەو پەلامارە سەروازییەکاو تورکیایۊ، مەنتێقە کورڎییەکاو سەرنیشتوو سووریای و بە شێوێوە سەرەکی عەفرین، زەرەری فرەشا پەنەیاوان".

بە نامۍ پارتی سەوزیوە "جولیا هۊفستتەر"ە، بە نامۍ پارتی سۊسیالیست (SP)یوە "مارکۊ دینۊت" و بە نامۍ لیستوو ئەلتەرناتیڤ (AL)یوە "واڵتەر ئانگست" واچێوەشا پێشکەش کەرد و سەرەوەشییشا جە کەسوکاروو قوربانییاو بوومەلەرزەکەی کەرد و ڕەخنەشا جە دەوڵەتوو تورکی گێرت، کە دەمودەس دماو بوومەلەرزەکەی قەراروو باری نائاساییش ئەرەیاونا و حەرپاسە ڕژێموو ئەسەدیشا سەرکۊنە کەرد، کە ڕا مەڎۊ یارمەتییەکۍ بیاوا وەر نیشت.

ئاخیروو یادەکەینە ئەرەیاونیا، پەشتیوانیکەرڎەیشا پەی کورڎی مەمرڎۊ.

س.ز