زینانیا پاژکی و پەکەکەی: گرڎ یاگۍ بکەرمۍ بە مېڎانوو مڎرامانی
زینانیا پاژکی و پەکەکەی، پەی بەهێزکەردەی دەسو ڕابەر ئاپۆی، بانگەوازشا کەرڎ؛ گرڎ یاگۍ بکەردۍ بە مېڎانوو مڎرامانی و پەی گۊرەکەردەی هەڵمەتۊو ئازادیی قەولو بەرز کەردەیۆ ئەوەکۊشایشا دا.
زینانیا پاژکی و پەکەکەی بۆنەو ٢٦ـەمین ساڵوەگەڕو پیلانگێڵنی ١٥و شوباتیۆ پەیامێوە نوویسیاشا وەڵاکەرڎۆ. زینانیا جە پەیامەکەیشانە ئەرەیاۋنانشا بانگەوازو، 'ڕاو کەسانێوە کە قیبلەگاشا ڕابەرایەتیا، غەڵەت نییا'، گەشمەرڎۍ ئاسیا و ڕۆژگەر کە جە چالاکییە فیداییەکەو توساشو ٢٣ۍ نۊۋەمبەرو ٢٠٢٤ گەشمەرڎۍ بیۍ، پېسە پیمەرێوە شۆڕشگێڵنانەو سەردەمی مزانا و خاوەنداریش ۋنەمکەرا و قەول مڎا کە پەی ئازادی بەڎەنی ڕابەر ئاپۆی جە بەرزتەرین ئاستەنە ئەوەکۊشایشا بەرز بکەراوە.
دلېینەو پەیامەکەی پی جۊرەنە:
"ئێمە ٢٦ـەمین ساڵوەگەڕو پیلانگێڵنی مېیاننەتەوەیی کە بە سەرکردایەتی هێزە هەژموونگەرەکا جە دژو ڕابەر ئاپۆی ڕاوەبەرشا کەرڎ، جیائاست، ڕابەر ئاپۆ چی ماوەنە بی بە هیوا پەی گەلا جەهانی و پەی سیستەمو مۆدێرنیتەی سەرمایەداری یاگەگیرێوەش وەشکەرڎ. هەرپاسە جارێوەتەر بە ڕێزدارییوە گرڎو گەشمەرڎە قارەمانەکاما کە بە دروشمۊو 'شمە نمەتاودۍ ڕۊو ئێمە تاریک بکەردۍ ' جە دەورو ڕابەر ئاپۆینە دژو پیلانگێڵنی مردێوە و ئیرادەو فیدایی بیەیشا نیشانە دا یاڎ مارمێوە و هێزە پیلانگێڵنەکا ئیدانە مکەرمۍ، هامکات سڵام و حورمەتما ئاراسەو مڎرامانی تاریخی ڕابەر ئاپۆی جە ئیمرالینە مکەرمۍ.
زلهێزه جەهانییەکێ گەرەکشا نیا هیچ گەلێ به ئازادی بژیوۆ به تایبەت گەلا وەرکەوتوو دلێڕاسەی و هەرپاسە دلێنەبەردەو ئا ڕێکوزتا کە یاگە گیرو سیستەمو دەسەڵاتداری ئاڏشانێ بە ئەرکو سەرەکی وێشا مزانانە. بە پیلانگێڵی سەرو ڕابەر ئاپۆی ڕاگیریشا جە بییەو کوردێوە ئازاد، کوردستانێوە ئازاد و وەرکەوتوو دلێڕاسەی ئازادیشا کەرد. پۆکەی سیستەمو ئەشکەنجەو ئیمرالیشا سەرو ڕابەر ئاپۆی جابەجێکەرد، بە پاو بەراوەردەکاشا با جۆرە پەکەکە دلێنە بریێ و ویرۆکەو ئازادی دلێ گەلینە دمایش ئێ. بەڵام ویرشا شی کە ڕابەر ئاپۆ ڕابەرێوە کلاسیک نییا و بییەن بە چەترەو ملیۆنان کەسی. هەرپاسە پەکەکە کە چەمەڕا کریێ دلێنە بشۆ، تا ئاما گەورەترگۆرەتەر بی و نەدۆڕیا تەر وێش پەی گرڏ لایێ سەلمنا. گەلوو کوردیچ خاوەنداری بەهێزش جە ویرۆکەو ئازادی ڕابەرایەتی کەرد، بەپێچەوانۆ هیوا و بڕواو گەلی زیاتەر بە ئازادی گەشەش کەرد. ڕابەر ئاپۆ، بە پارادایمو وێس، ڕا و ئامرازێ پەی دلێنە بەردەو مۆدێرنیتو سەرمایەداری پەرەپنەدا و پیلانەکێش پووچەڵەکریاوە. هێزە پیلانگێڕەکێ جە ئامانجەکەیشا شکستشا ئارد و ڕابەر ئاپۆ هەر ڕوێ زیاتەر و زیاتەر بی بە هیواو ئازادی گرڏو گەلا.
ئەوەکۆشای ئازادی ڕابەر ئاپۆ بیی بە هەڵمەتێوە جەهانی و جەلایەنو گەلا جەهانیۆ خاوەنداریش ونە کریا. جە چوارچێوەو هەڵمەتەو 'ئازادی پەی ڕابەر ئاپۆ، چارەسەرو سیاسی پەی پرسو کوردی' جە سەرانسەرو جەهانینە چالاکیی گۆرە لواڕاوە و ڕیزەکێ مڏرامانی بەهێزتەر کرانکریێ. بەرخۆدانمڏرامان ڕۆ بە ڕۆ پەرەش سانا و فاشیزمیش ماڕا. هەڤاڵا فیدایی پێسەو گەشمەرڏە ئاسیا و ڕۆژگەر بە ئەنجامدای ئاست بەرزی چالاکییەکەشا نیشانە دایمێ کە سەرکۆتەی بە مڏرامان بەدی مێ. ئێمەچ پێسەو زینانیا پاژکی و پەکەکەی، داواو گەشمەرڏە ئاسیای و ڕۆژگەرێ پێسەو پێوەرێ میلیتانی سەردەمی بە قیمەت و بەرز ڕاگێرمێنە.
سەردەمو ئیسەی پەنەوازیش بە وەرفراوان کەردەی ڕێکوزتەی و ئەوەکۆشاین. بە گۆرە کەردەو هەڵمەتەو ئازادی، پەنەوازا دەورو ڕابەر ئاپۆی گلێرێ بیمێ و بە هەنگامەی دروسە و بڕوا بەوێ بییەی بەرەو ئازادی گنمێ ڕا. ڕابەرایەتیما ماچۆ؛ "بە دڵنیاییۆ ئینجارە سەرێ گنمێ" ئێمە پێسەو زینانیا شۆڕشگێڵی، بە تایبەت ژەنی و جوانێ فیدایی، داوا جە گەل و دۆسا مڏرامانیما مکەرمێ کە پەی پووچەڵکەردەیۆ پیلانەو ١٥و شوباتی و بەهێزکەردەو دەسو ڕابەر ئاپۆ، مچییەیمێ جادەکا و مڏرامانما گۆرەتەر کەرمێنە، گرڏ یاگێ کەرمێنە مێڏانو مڏرامانی و پی جۆرە هەڵمەتەو ئازادی وەرفراوان کەرمێنە. ئارۆ ڕۆو خاوەنداری کەردەین جە ڕابەر ئاپۆی و پووچەڵکەردەیۆ یەکجارەگی پیلانگێڵی و مسۆگەر لەردەو ئازادی جەسەیی ڕابەر ئاپۆین. جارێوەتەر ماچمێ هێزە پیلانگێڵییەکا ئیدانە مکەرمێ و قەولمرەیمی مڏرامانما گۆرەتەر کەرمێنە."
