زۊزان چەولیکە وستیچش ڕووە، کە ماوەکاو ینەدماتە جەنگێوە دژوار و وەرفراوان ڕووە مدۊ و واتش، "گەلەکەمان، هێزە چەپ، سۊسیالیست، دیموکراتیک، هێزە وەهەڵێسکارەکاو سیستمی و جمیەرەکاو ئازادیی ژەنۍ مشۊم بە پاو ئانەیە و جە چوارچوەو ستراتیژوو جەنگوو گەلی شۊڕشگێڵنینە تۊڕەکاو وێپارێزنایشا قەوەت کەرا و مدرامانشا فراوان کەرا.

١وو تشرینوو یوەمی ئەنقەرەنە وەراوەروو وەزارەتوو دلۍ تورکیایۊ چالاکیێوە کریا. گرنگیی چالاکییەکەی چێشا؟ چە پەیامێوەش هەن؟

مانگەو تشرینوو ئەوەڵوو ٢٠٢٣ ئێندەش نەمەنەن تەمامیۊ، جە مانگەو تشرینوو یوەموو ئێساڵینە پەرەسانای گەرم ئاما ئاراوە. چالاکیی تارێخی و ستراتیژیکوو ئەنقەرەی، کە ١وو تشرینوو ئەوەڵینە هامڕا ڕۊژهات و ئەرڎاڵ کەردشا، کە مانگەو تشرینوو ئەوەڵی پێسە مانگەکای تەری مەویەرا و پەرەسانایۍ نائاسایۍ ڕووە مدا. دماتەر ڕووەداێوە پێسە ئانەیە دەگمەن و کەمتەر وینێی، ڕووەشا دا.هەرپاسە هەڵمەتەو 'ئازادی پەی ڕابەر ئاپۊی و چارەسەری پەی پەرسەو کوردی" دەس پەنە کریا و هەڵمەتەو ڕابەرایەتی شەپۊل شەپۊل بە ٧٤ وڵاتێرە وەڵا بیوە.

ڕاسیینە چالاکییەکەو ١وو تشرینووو ئەوەڵوو ئەنقەرەی پیمانەکاو بەشداربیەیش سەرڎەمەکەنە دیاریۍ کەرڎۍ. ئانەش وست ڕووە، کە ئینسان چەنی بۊ بە جەنگەوانوو ئازادی، پەیجورێوە ڕاسی، وەرگێریکارێوە دادپەروەری و دژوو سیستمی مرڎۊوە. چالاکیی هامڕا ڕۊژهات زیلانۍ و ئەرڎاڵ شاهینی پێسە چالاکیی هامڕا زەینەب کناجیۍ، کە ٣٠ حوزەیرانینە کەرڎەبێش. ئێمە ڕاو چالاکییەکەو ئەنقەرەیۊ واوەی کەوتیمۍ دلۍ وەنەپەرسایۊیێوە جە سیستموو کۊلۊنیالیست، فاشیست و قڕکەرینە. بە سەرمەشقایەتیی مەرڎە گەش گیانبازا ڕۊژهات و ئەرڎاڵەکا پاما نیا ئی قۊناغیوە. چالاکییەکەو ئەنقەرەی  ١وو تشرینوو ئەوەڵینە پەی ماڕای گۊشەگیریی سەروو ڕابەر ئاپۊی و دەسەبەرکەرڎەی ئازادییشا، کە بی بە سڵامکەرڎەی گەریلای جە قۊناغوو هەڵمەتەکێنە.  دژوو کۊنسێپتوو پاکتاوکەرڎەی وەراوەروو ڕابەرایەتیمانە، جمیەرەکەما، گەلا و ژەنا، دژوو وەرپەرسیاراو کۊنسێپتەکەی بەتایبەتیچ ئەرڎۊغان، ئا چالاکییە چالاکیێوە هۊشیارکەرڎەیۊ بۍ.

مشۊم ئانە بزانییۊ کە ئا چالاکیۍ پی ڕۊحەوە کریا، بەرڎەوام میاونییا یاگۍ. دلۍ جمیەرەکەیمانە ڕاسیی گیانبازی جە ڕاو هامڕا زیلانێوە شێوێوە تازەش بەدەس ئارد و واوەی ئشناسیاوە. جە ساڵەکاو دماتەرینە بەرڎەوام بی و فاڕیا پەی شێوازوو ڕادیکاڵتەرین و بنچینەییتەرین چالاکیی گەریلای. ئێمە ئینایمۍ جە وەختێوە چانەنە، کە  جەفێرکاراو پراتیکە گەورەکاو وەڵۍ و کەموکوڵییەکا جە شێوازوو کۊشیای ئێمەنە ئامینۍ ئاراوە، وانە ورگێرمۍ و گفتوگۊ کەرمۍ سەروو گردوو ڕایەکاو سەرکەوتەی. ئەگەر جمیەرێوە جەنگاوەری چینەش پەروەرڎە کەرڎەبۊ، کە بە مەژگ و دڵشاوە با بە گیانبازۍ، ئەسەما ئا جمیەرە پاکتاو کریۊ. هامڕێما ڕۊژهات زیلانە و ئەرڎاڵ شاهین، کە شۊنکەوتۍ زیلان، بێریتان، ڕەوشەن، بەرماڵ، زنار، دۊغا، سارا و ڕوکەنەکانۍ، بە هێزەکاو مۊدێرنیتەی سەرمایەدارییشا نیشانە دا، کە ئادۍ مەتاوا ڕۊحوو ئینسانی ڕاس و ئازادی بسانا و کەسۍ چینۍ هەنۍ، کە پا سەروو ئینسانیەتی گێرارە. وەزارەتوو دلۍ و وەرپەرساو هەواڵگێری، تا فەرماندەییما ئەرەیاونایش نەدا نەتاواشا نامۍ ئا هامڕا بەنرخاما دەسنیشانە کەرا.  بە چالاکییەکەو ئەنقەرەی گومانەکاو هێزەکاو دەوڵەتی زیاتەرۍ بیۍ و ئێندەش نەمەنەبۍ، کە تاوانبار وەزیروو دلۍ وەڵینی، سڵێمان سۊیلۊی پێسە وەرپەرسوو ئا تەقایوەیە نیشانە بدا.

دماو ٧وو تشرینوو ئەوەڵی ئیتر حیچ چێوۍ پێسە وەڵۍ مەبۊ

مشتومڕ و قسەوباسەکا یاواینەی جە چالاکییەکاو ئەنقەرەی و وەنەکەوتەیۊکاش، تورکیانە و هەم جیهاننە وەڵا بییۊ. دۊخێوە چانەنە هێزەکاو حەماسی بە پلانە، رێکوزیایی و شێوازێوە کاریگەر  عاسمانۊ، بەحر و وشکاییوە و بە چندین شێوۍ تەرۍ ٧وو تشرینوو ئەوەڵینە دژوو ئیسرائیلی چالاکیێوە وەروەڵاشا کەرد. هەڵای بڕۍ لایەنۍ ئا هجوومەیە هەنۍ کە مشۊم ڕۊشنۍ کریاوە. هەڵبەتە مشۊم هەست بە لەیەکدایوە و پلانەکاو پەشتەو پەرڎەیچ کریا. جیهان و وەرکەوتوو دلێڕاسەی ئیتر حیچ چێوێش پێسە  وەڵۍ مەبۊ، وەرکەوتوو دلێڕاسەی و جیهان واوەی دیزاین کریاوە. ئا قۊناغە بە گێژاوئاسا بەرڎەواما و فرە هێزۍ بە پراگماتیکی مامەڵە چەنی ئی قۊناغەیە کەرا،  پەوکای مشۊم چەنەش بیاوانە و نزیکۊ چەمدارییش کەرا. هەڵبەتە ئامانجوو هێزە ئیمپریالیستییەکا و حەماس چێش بۊ با بۊ، دۊزی ڕەواو گەلوو فەلەستینی پەرڎەپۊش مەکریۊ. پێسە چەنی ئازارەکاو گەلوو کوردی و فەلەستین یۊوە نزیکێنۍ، مدرامانی شکۊمەندانەشا دژوو ستەمکارا، ئادیشا جە یۊترینی نزیکۍ کەرۊوە.

مشۊم گرنگیێوە ستراتیژیک بە هامپەیمانیی کورد-عەرەبی بدریۊ

جیهان وەراوەروو گەلوو کوردینە دووەڕوون. بە هەمان نۊع وەراوەر بە گەلوو فەلەستینیچ دووەڕوون. هێزە هەژموونوازەکۍ پەی بەرژەوەندیی وێشا، گەلوو فەلەستینی، ژەنی و زارۊڵا کەرا قوربانی. ئا کۊکوشییە وەراوەروو گەلوو فەلەستینیوە کریۊ، بە ڕەوا منریۊرە و کۊشیای ڕەواو گەلوو فەلەستینیچ بە ناڕەوا نامۍ بریۊ. ئێمە جارێوە تەر شایەتۍ ئانەینمۍ، کە ڕاسی وروێڵناوە. رەجەب ئەرڎۊغان هەوڵۍ مدۊ کە ئا دۊخەیە بەکار بارۊ. مشۊم ئینسانیەتی وەڵێکەوتەواز، هێزە دیموکراتیکەکۍ، ژەنی، گەنجۍ و هێزە دژە سیستمەکۍ با بە دەنگوو ویژدانوو ئینسانیەتی و بە کرڎەوە نائەخلاقییەکا بواچا ئیتر وەسێن. تەنیا هێزی ڕێکوزیاو و ئیرادەو گەلی متاوۊ وەڵۍ پا جەنگە چەپەڵەیە بگێرۊ. وەڵینا واتەن 'ئەگەر هەست بە ئێشی کەری زینڎەنی، وەلۍ هەست بە ئێشوو کەسای تەری کەری ئینساننی'. مشۊم هامچارەنویسیی گەلوو فەلەستینی و کوردی، هامئێشیشا بۊ بایسوو زیاتەر کۊشیای هامبەشی. چی قۊناغە ئیساتۍ و دماییچەنە، مشۊم سەروو بنەماو پاڕادایموو نەتەوەی دیموکراتیکی هامپەیمانیی کوردی و عەرەبی پێسە هامپەیمانێتیێوە ستراتیژی بەرەو وەڵۍ بریۊ.

هجوومەکاو دەوڵەتوو تورکی ئەرەگیری پەی سەروو هەرێمەکاو پارێزنای مێدیای و جەنگی بەینوو سوپاو ئەرەگیری و جمیەروو ئازادیی کوردستانی بەرڎەواما. ئیساتێنە ئا جەنگە ئینا چە ئاستێوەنە؟

ئەگەر چی دۊخەکە بۊنەو ڕۊژەڤوو جەنگوو بەینوو ئیسرائیلی و حەماسیوە بەهەسومەسی و ویەرۊ، ئەگەر ئێمە ئا جەنگە جە هەرێمەکاو پارێزنای مێدیاینە دژوو گەریلاکاو ئازادیی کوردستانی هەن ئارانە ورسەنگنمێ؛ وەڵتەرێچ جارجار لاو فەرماندەییما و ڕاوەبەراو جمیەرەکەیماوە بڕۍ ورسەنگنایۍ کریۍ. ساڵەو ٢٠٢٣چ بی بە ساڵێوە پەڕ جە جەنگی دژواری. بەتایبەتیچ بە هجوومەکا سەرنیشتوو کوردستانی، هجوومۍ ئەرەگیریۍ کریۍ. پێسە پێویسی و گونجیای نییەنۍ، کە ئینسان هجوومەکاو ٨ ساڵی ویەرڎەی دژوو گەریلاکاو ئازادیی کوردستانی تەنیا پێسە ئۊپراسیۊنێوە ورسەنگنۊ. بەتایبەتی ٢٠وو تەمووزی هجوومەکۍ واوەی دەسشا پەنە کەرد. بە چالاکیی کاریگەر و مدرامانی بێهامتا هەرێموو گەشمەرڎە دەلیلوو وەرنیشتوو زاپینە، ئانە نیشانە دریا کە خاکی ئازاد چەنی مپارێزنییۊ. جە ساڵەو ٢٠٢٢ بە جەنگوو تیمی پسپۊڕی سەروو بنەماو مەیدانی و تونێلەکا، جە تێزوو جەنگینە لاپەڕێوە تازە وردریاوە.

جەنگی گەیلاییما لوا وەڵێوە

جە سایۍ تاکتیکی تازەو گەریلایۊ، ساڵەو ٢٠٢٣ جە پراتیکوو ساڵای ویەرڎەینە وانە ورگیریا. ئا هجوومۍ بە سەرمەشقایەتیی یەژاستاری کریێنۍ، سابۊتاژ، نیشانەماڕۍ، چالاکیی تاکتیکی سەروو بنەماو تەکنەلۊژیای، دوژمن جەنگش کەرد. هێزەکاو دوژمنی پلانیشا بۍ، کە هێزەکاو گەریلایما یاگۍ وەرگێریینە مەناوە و نەئەجیێشا مدرامانیوە چینە کەرا. پەوکای بۊنەو هجوومەکاو گەریلایۊ تووشوو شۊکی بیۍ. چا دیمەنانە کە هێزەکاو ئێمە جە مەیدانوو جەنگیوە کیانێشا، بەرگنۍ کە سەروازەکۍ دلۍ وێشانە تووشووجەنگی بێنۍ و کاریگەریی شڵەژیای دەروونی کە دلێشانە بەرگنۍ وینیۍ. بەشێوە ئا دیمەنا پەی ئەرەیاونای و ڕای گردینی وەڵۍ کریێوە. سەروو بنەماو ئا پلانۍ ئێمە متەمارە، چی قۊناغە بەدمایچۊ دیمەنەکۍ وەڵۍ کریاوە.  

ئیتر تەکنەلۊژیاو جەنگی و چەکی قەدەغە بەکار ئامۍ، وەراوەروو هێزوو گەریلاینە زاپنە بێچارە مەنێوە. ئانە بی بە مایۍ ئانەیە دوژمن واوەی چەمۍ خشکنۊوە وێشرە. بە پاو ڕێسایەکاو جەنگی هەلومەرجی ئاسایینە؛ ئەگەر فەرماندەیەک بە سەرکەوتانە جەنگ کەرۊ، ئا فەرماندە دلێراسەو جەنگەکەینە سەروو هەرمانەکێشۊ لا مەبریۊ یان جە هەرمانەکێش لا مەبریۊ دەسەو بەڕێوەبەریینە. قسێوە هەنە ماچۊ وەختوو پڕیۊنە بەحرنە ئەسپ مەفاڕیۊ. وەلۍ جە ئۊپراسیۊنوو پەنجە-قوفڵینە، وەختۍ بەحرنە پڕێنێوە ئەسپشا فاڕا. ئۊپراسیۊنوو پەنجە-قوفڵی وەروو شکسوو وێش جە ڕاوەبەرڎەینە فاڕییا. جیای ئانەیە ڕاوەبەرە سەرلەشکر ئەمرە تایانچ دەسنیشان کریا و ئیساتۍ گردوو هومێدیشا بەستەن پادیوە.  

وەختۍ ئێمرە تایانچ دەسبەکار بی، جە شێوازوو جەنگی و تاکتیکی پراکتیکیی جەنگینە فاڕیایش وەش کەرد، وەڵترێچ هەوڵێشا دۍ و مەڕیۍ واوەی هەوڵێشا دۍ بلا دلۍ تونێلەکاو جەنگیوە. وەڵتەرنە گەشمەرڎە شاهیننە و کەشوو ئێف ئێمی و ئامێدیینە وەرمەکێشا نامۍ دی جەنازەو سەروازەکاشا کەوت دەسوو هێزەکامان.واوەی ئامیو ە و مەڕیۍ، فڕۊکەی بێفرۊکەوانوو بۊمبورگیرشا ئارڎۍ پەی یارڎەی سەروازەکاشا کە نەتاوێنۍ نزیکۍ تونێلەکا باوە کەوتۍ دلۍ سێندروومی و بەکارشا ئارد. ئانێشا ڕۊنە بە گوللۍ گەریلای کریێنۍ ئامانج، ئێساتۍ زیاتەر شەوێنە جموجووڵ کەرا. گێرا ئێمرە تایانچ شێوازی جیاواز تاقی کەرۊوە تا وێش سەلەمنۊ، پاسە دیارا گەرەکشا نیا کە سەروازەکا چی زمسانەنە کێشناوە، پێسە چەنی ئەنوەر پاشا سەرەڕاو سەرڎای و سەختییەکاو زمسانی سوپاکێش بەرەو بەرەکاو جەنگی جوڵنا، دیارە ئێمری تایانچیچ بە هەستی پۊپۊلیستیوە پەنا پەی تاکتیکی گێجانەی بەرۊ. ئانە کە شوبهناش بە عوسمان پاموکۊئۊغلۊ، چا سەرڎەمەنە کە ئێمە ساڵەو 1993-1995 هێزەکاو گەریلایما ڕێکۍ وستۍ بە نامۍ ئارگەکەی، ئاد فەرمانداروو ئارتێشوو تورکی بۍ، پێسە ڕزگارکەروو ئا سەروازا وینیۍ کە زاپنە گیرشا وارڎەبۍ و نەتاوێنۍ جووڵیا. ئجێشا فاڕای فەرماندەی بۊ بایسوو ڕزگارییشا، وەلۍ عوسمان پاموکۊئۊغڵو کەسێوە بۍ کە دۊغان گوڕەش متمانەش بۍ، هەشت ئۊپەراسیۊنۍ گەورێش کەرڎۍ و وەراوەروو مدرامان و ئازایەتیی هێزەکاو گەریلایماوە شکسش ئارد هێنا. ئیمرە تایانچیچ  پڕوپاگەندۍ کەرۍ و پێسە فریادڕەسوو سەروازە گیروارڎەکا وێش نیشانە دۍ، وەلۍ وەراوەروو ئیرادەی پۊڵایین و ویروباوڕی پتەو و دڵسۊز و ناوازەو گەریلا ئاپۊییەکانە مەحکوم بی بە شکسی.

هاموەخت چەنی هجوومەکا، دەوڵەتی ئەرەگیروو تورکی پەیوەندییەکێش چەنی  پەدەکەی قووڵتەرۍ باوە،  چێگەوە چێش ماچدێ؟

سوپاو تورکی کە وەرڎەموو هێزەکاو گەریلایمانە بێچارە بییەن، هەوڵۍ مدۊ بە هەنگامۍ دیپلۊماسیێوە هەرپاسە بە فاڕیای جە بواروو پراکتیکینە وێش چی بێچارەییە ڕزگار کەرۊ و  قەوەت کەرۊ. گردوو ئا کۊبیەیوا کە هاکان فیدان وەزیری بێبنەماو جەنگی کە عێراق، هەولێر و ئێراننە کەرڎێش، ئامانجش دلێنەبەرڎەی تەڤگەرەکەیما  و کوشتەی گەلەکەیما بۍ. سیاسەتوو پەدەکەی دماو ئی کۊبییەیوا زیاتەر جە جارا بەرەو ئاراستەو هامکاریی دوژمنی لوا. سەرڎەموو یاوز سوڵتان سەلیمیوە ئاغاکاو کوردی بەکارۍ ئامۍ پەی بەرژەوەندییەکاشا و وەختێوە، کە هەرمانەکێشا تەمامیۍ خیانەت جە خودوو ئاغاکاشا کەرێنۍ، یانۍ  خیانەتوو ئاغاکاو کوردی خیانەتێوە ڕیشەیین. ئی پڕۊسە چا وەختۊ تا ئیساتۍ حیچ نەفاڕیان. گردوو قۊناغە گرنگەکاو تارێخینە، بەشبییەیەکاو دلۍ،  ، پارچەبییەی، هەڵوێستێوە کە یۊبییەی و سەربەوێی گەلانە بە ئەساس مەگێریۊ، بۊنەو بەرژەوەندییەکاشەوە گردوو بەها مەبارەکەکا پاشێل کەرۊ، جگە جە بەرژەوەندیی بنەماڵەیی و عەشیرەتەکا هیچ مەوینا، بیێنۍ بایسوو وێرانکاری گلێرگەنە. ئا قسۍ کە ماچا" تەنیا پەی یەک کەسی بژیوە"، کاریگەرییەکەش یاوان ئاستوو دلینەبەرڎەی نەتەوێوە. ئانە کە سەدەو نۊزدەهەمینە سەروو سەرەورڎایەکاو کوردیرە ئاما، بۊنەو خراپی و خیانەتوو سەرکرڎەکا و ئاغاکاوە بۍ. بەتایبەت دماو ئەرەمەرزنای پەدەکەی، ئی ڕووە قێزەونۍ تاریخی جارێوە تەر بە سەرەکی جە پانیشتوو کوردستانینە زینڎۍ کریاوە. پەیوەندیێوە پتەوش چەنی دوژمناو گەلەکەیما وەش کەرد و وێش دا دەسوو دوژمنوو گەلەکەیۊ، پلانەو خنیکنای مدرامانیش گێرت دەس و دەورێوە سەرەکی و کاریگەرش دی.

دەوڵەتوو تورکی بنەیانەو بارزانییش کەرڎێنۍ بە کرڎووە بە بەکرێگیریۍ و پاسەوانۍ وێش

چی ساڵانە وەختێوە  کە عەشیرەتە سەرەتاییەکاو دنیۍ بەرەو هێز  و ڕێکوستەی سیاسی و نەتەوەیی هەنگامە نیێنۍ، یۊبیییەی نەتەوەیی ئێمەشا پارچە کەرڎ و لاوازشا کەرڎ. کورڎستان کە جە تارێخەنە  داراو گەلێوە کۊنی و وێگێریین، گونجیاتەرین جوگرافیاش هەن، کە پەی ژیوای، پەدەکە ئی وەلاتەشە وست دۊخێوە چانەوە، کە دژایەتیی وەڵێکەوتەی نەتەوەیی کریۊ، تا ڕاگێری کەرا جە جەنگێونە کە سەروو بنەماو سەربەوێی کورڎی ئەرەمەرزیان، وێشا کەوتۍ دلۍ دژایەتیکەرڎەی ئی شۊرشیوە و دەوروو سیخۊریشا وینا و ب ئەکتیڤی یارڎەی دوژمناو کورڎی مدا. چی ساڵانە کە گەلەکەما هومێدشا جەدەس دابۍ، ئەگەر تەڤگەروو ئازادیی کورڎستانی پەکەکە نەبیۍ، تارێخوو ئێمە دماییش ئۍ. بە سەرمەشقایەتیی ڕابەر ئاپۊی و کۊشیای تەڤگەروو ئازادیی کورڎستانی پەدەکە یاوان دۊخێوە چانە کە ئەگەرڎ واز جە  کرڎەوەکاش نارۊ، بەتەمامی دلێنە مشۊ. ڕاسیینە پەدەکە یۊن چادیشا کە کەوتەن دلۍ ئا جەنگیوە. دەوڵەتوو تورکی پی پلانۍ هەوڵۍ کۊنترۊڵکەرڎەی و ئەرەگیریی پانیشتوو کورڎستانی مدۊ. پەی ئینەیچە هەوڵۍ مدۊ یۊبییەی نیشتمانیی کورڎستانی (یەنەکە)یچ پێسە پەدەکەی تەسفیە کەرۊ ووزۊش دلۍ خەتەو خیانەتیوە.

ئەوەڵ دەسوستەی دلۍ هەماهەنگی و تاکتیکوو جەنگینە بۍ دووەم جە ڕاو پەرەپەنەدای پەیوەندییەکاشاوە بۍ چەنی پەدەکەی و هێزە ئیقلیمییەکا. پەدەکە بە پێاو بەرژەوەندییە گڵیاوەکاش پانیشتوو کورڎستانیش وست وەرڎەموو دەولەتی ئەرەگیروو تورکی. چەنی فاڕیای هەماهەنگی کە دلێڕاسەو مانگەو ئەیلوولینە ڕووەش دا، فاڕیایەکۍ  ڕەفتارەکاو پەدەکەینە زیاتەر بەرۍ کەوتۍ. بەدرێژایی خەتەو دێرەلۊکی چەتەکاو زێرەڤانی و ڕۊژی، بڕۍ جە خەتەکاو کەشوو هەکاری، چارچێلا و ئامێدیینە چەنی سەروازە تورکەکا گیریۍ. ڕاسیینە تیدا وێشا بیۍ بە قەڵغان تا هێزەکاو گەریلای وەنەو دوڵەتوو تورکی نەدا. ڕۊنامەکامە و ڕسمەکانە دیارا، کە سەروازاو تورکی وێشا وستەن چێروو باڵەکاو پەدەکەی و بنکەی هامبەششا وەش کەرڎەن. ئی هامپەیمانییە قیزەون و دماکەوتانە کە جە مانگەو تیشرینوو ئەوەڵیوە پاش نیا قۊناغێوە تازەو. واوەی کەشوو بارزانینە، کە پەی بارزانییەکا مەبارەکا و پەنەش مشناسیاوە و لەقەبەشانە، ڕووەو دوژمنیرە کریاوە. چا بارزاننە و یاگە مەبارەکێشانە هێزەکاو سوپاو تورکی ٦ یاگێنە بنێشا وستێنە . یاگۍ مەبارەکە ئانێنە کە نازی هیچ کەسۍ و هێزێوە نزیک بۊ چەنەش، گیانوو وێت بی بە فیداییش، نەک ئانە کە بارزاننە هەن. خاکوو بارزانی کە سەروازاو تورکی بە پاڵەیەکاساوە ملا سەرشرە نیشانۍ ئانەینە، کە پەدەکە و بنەیانەو بارزانی پەی بەرژەوەندیی وێشا و مەبارەکییەکاشا حیچشا لاوە گرنگ نیا.

هێزەکاو گەریلا دماو ئانەی مەخموورنە دژوو  داعشی گژیۍ کە بەڵاو سەرەو ئینسانیەتی بۍ دماییشا بە هەرمانەکێشا، کەمپەکەشا پەی خەڵکی جیا ئاست و ئینەما پەی ڕۊنامەنویسا و ڕای گرڎینی ئەرەیاونا. پەدەکە دەمودەس فرسەتش ئارڎ و لوا ئا یاگا کە گەریلاکا چۊڵۍ کەرڎێبێنۍ و چەنی هێزە عێراقییەکا گژیا و هەوڵێش دۍ  خەتەکاو خواکورک و قەندیلی چەنی هێزە عێراقییەکا بە هامبەشی گێرۊ.  گرڎوو بەرەکاو پانیشتیش ڕووەو میتیرە کەرڎێوە. هەرچندە تاوانباراو گەشمەرڎەبییەی دەنیز بولبونی شناسیێنۍ، وەلۍ حەوڵۍ مدۊ ئینەیە چەواشە کەرۊ و تاریکیینە بازۊشۊ. یهێڵێتەوە. با واز چانەیە بارمۍ کە پەدەکە لایەنی نەتەوەییش هەن یا نا، ئیساتۍ قسە نەتەوەییەکێچش بابەتوو گۊفتوگۊینۍ.

ئاخرۊ گەرەکتا چێش بواچی دەربارەو قۊناغی دماتەروو مدرامانوو گەریلای و چەمەڕوانییەکا پەی ئایندیوە نزیکی؟ پەیامێوەتا هەن پەی ڕای گرڎینی؟

پێویستە بزانیۊ کە ساڵەو ٢٠٢٣-٢٠٢٤ بە جەنگێوە فرە سەخت و وەرفراوانرە ویرۊ و گەلەکەما، دەورووبەرە سۊسیالیستە دیموکراتیکەکۍ، هێزەکاو دژە سیستمی، تەڤگەروو ئازادی ژەنا بە پاو ئی دۊخەیە پێویسا تۊڕەکاو وەرگێری جە وێشا قەوەت کەرا و ناوەندەکاو مدرامانی بە پاو ستراتیژوو جەنگوو گەلی شۊڕشگێڵنی وەرفراوان کەرا. سەدەی یەکەموو کۊماروو تورکیای بە نکۊڵیکەرڎەی و کوشتەی کورڎی مەرزیارە، سەدەی دووەم مشۊم بۊ بە سەرەتاو سەرڎەمێوە تازەی پەی ویەرنای سیاسەتوو نکۊڵی و دلێنەبەرڎەی و چارەسەرکەرڎەی کێشەو کورڎی. ڕەنگا جە چوارچوەو یەکڕیزیی گەلینە فرسەت بۊ پەی چارەسەرکەرڎەی. ئازادی و دیموکراسی جە بەرژەوەندیی گەلینە گەشە کەرۊ. بێگومان پێوەسا بە ئاستوو کۊشیای هێزەکاو ئازادییوە. ئەگەر کۊشیای وێما گەورە کەرمۍ متاومۍ سیاسەتوو نکۊڵی و دلێنەبەرڎەی ماڕمۍ.

تا قارەمانی ئازا و یارای پێسە لەیلا سۊرخوینی، دڵگەش گوزەرەشی، ئاخین موشی، هێژار زۊزانی، ڕۊژهاتی و ئەرڎاڵی چی تەڤگەرەنە با، سیاسەتوو کۊکوشی شکس مارۊ جگە جە سەرکەوتەی هیچ ڕایۍ تەرەما نییەنە. پەوکای مشۊم جە چوارچوەو ستراتیژوو جەنگوو گەلی شۊڕشگێڵنینە یدا ئاندەی تەر کۊشیاێوە یۊگێرتە کەرمۍ. بە یاواینێوە ڕیشەییتەر و ڕادیکاڵتەر کەشنە، دەشتەنە و شارنە بەبۍ ئانەیە کە بواچمۍ هامن یان زمستانا، بە یاواینەی جە پارادایموو نەتەوەی دیموکراتیکی دوژمنی دلێنە بەرمۍ و ژیوای ئازاد خۊلقنمێن. پی باوڕۊ کەشەکاو کورڎستانیوە سڵامما پەی گرڎوو هێزەکاو مدرامانی و بەتایبەت گەنجا و ژەنا کیانمۍ و هومێدوو سەرکەوتەیشا پەی موازمۍ.