ئێراق: جە وێنیشاندایەکانە ۱۳ کوشیێ و ۷۲۹ بریندارێ هەنێ
جە وێنیشاندای و ناڕەزایەتیە جەماۋەریەکا ئێراقیەنە، کە جە ٨ تەمووزی جە بەسرە دەسشا پنە کەردەن، تا ئیسە هێزە ئەمنیەکێ ۱۳ کەسێشا کوشتێنێ و ۷۲۹ کەسێ تەرێچشا بریندارێ کەردێنێ.
جەی بارەۋە فازڵ غەراوی، ئەندام جە كۆمسیۆنو مافه‌كا مرۆڤی جە ئێراق، ئامارو زیانە گیانیەکا وێنیشاندای و ناڕەزایەتیە جەماۋەریەکا ئێراقیش ئاشکرا کەردەن و واتەنش: جە دۋە هەفتەی ۋیەردەنە هێزە ئەمنیەکێ ۱۳ کەسێشا کوشتێنێ و ۷۲۹ کەسێ تەرێچشا بریندارێ کەردێنێ.
بەپاو ئامارەکەی، ٩١ باڵەخانێ حكومیێ و مه‌ده‌نیێ و ئۆتۆمبیلێ زیانشا پنە یاۋان. زیانیان پێگه‌یشتووه.
وێنیشاندای و ناڕەزایەتیە جەماۋەریەکا ئێراقی، دژ بە نەبیەی ئاوێ، کارەبای، خزمەتگوزایەکا دۋێ هەفتێ زیاتەرەن دەسشا پنە کەردەن و جەماۋەر ناڕازی سورا جە بەردەۋامیشا تا ئا کاتە کە داۋاکاریەکێشا پەسەنڎێ کریانە. بەڵام سەرەڕا دەربازبیەی دۋێ هەفتا سەرشارە حکومت بێچارەن و تەنها بەڵێنش پەی کەردەیی کەردەی داۋاکاریەکا دان و بە تا ئیسە بە پراکتیکی هیچ هەنگامێش نەنیێنە.
