ئارۆ هێزەکێ ئێرانی بارەگاکێ هەر دۋێ حزبێ «دیموکراتو کوردستانی و دیموکراتو کوردستانو ئێرانی»ش جە شارو کۆیەی بۆردومان کەردێ و جە ئاکامشەنە لانی کەم ۱٤ کەسێ شەهیدێ بینێنێ و دەیانی تەر بریندارێ بیێنێ.
سەعات ١٠:٤٥ دەیەقێ ئارۆ شەممەی، هێزەکێ کۆمارو ئیسلامی ئێرانی بارەگاکێ حزب دیموکراتو کوردستانی-(حدک) و حزبو دیموکراتو کوردستانو ئێرانی-(حدکا)یش جە شارو کۆیەو پانیشتو کوردستانی بۆردومانێ کەردێنێ.
بەپاو سەرچەمەکا هەر دۋە حزبەکەی بۆردومانەکە بە موشەکێ دوور مەودێ ئەنجام دریان و کاتێو بیەن کە حدک پلۆنیۆمش بەستەن و جە ئاکامشەنە لانی کەم ۱٤ کەسێ شەهیدێ بینێنێ و زیاتر جە ٤۰ کەسیێ تەرێ بریندارێ بیێنێ، کە بەشێوشان ژەن و زارۆڵێنێ. هاموەخت چنڎین ئەندامێ سەرکردایەتی (حدک)ی ئینێ دڵێ شەهیدێ و بریندارەکانە و خالد عەزیزی، سکرتێری وەرینو حزبەکەی یۆ جە بریندەرەکان.
