ئەختەرین-حەلەب: چەتەکێ تورکیای گژیێ و چنڎین چەتێ کوشیێ

جە ناوچه‌و ئه‌خته‌رینی کە سەر بە پارێزگەو حه‌له‌ب-یەن، تاقمە چەتەکێ ٥١ی و سوڵتان مورادی گژیێنێ و چنڎین چەتێ کوشیێنێ و زامدارێ بیێنێ.

جە ناوچه‌و ئه‌خته‌رینی کە سەر بە پارێزگەو حه‌له‌ب-یەن، تاقمە چەتەکێ ٥١ی و سوڵتان مورادی گژیێنێ و چنڎین چەتێ کوشیێنێ و زامدارێ بیێنێ. 

زانیاری بە دەسۋزیا جە ناوچه‌و ئه‌خته‌رین-و پارێزگەو حه‌له‌ب-ی، باس جە گژیای تاقمە چەتەکا چێرو چەترو «قه‌ڵغانو فورات»ی مەکەرۆنە، کە کوشیاو و زامداربیەی چنڎین چەتاش دمارە ئامان.

زانیا، جەنگەکە میانو چەتەکا ٥١ی و سوڵتان موراد-ینە ڕووەش دێنە و هۆکارەکەش ئەڕفای چەتێۋی بەنامێ محه‌مه‌د ئه‌لدێری بیەن، کە سەر بە تاقمە چەتەکا ٥۱ یەن.

ئینە جاری یەکەم نییەن کە تاقمە چەتەکێ سەر بە تورکیای گژیانە و یەکتری قڕ مەکەرانە، بەڵکو جە جەرابولس، باب، عەزاز، عەفرین و ئدلب و ئەختەرین بە بەردەۋامی ئاژاۋلێ و ناکۆکی میانشانە هەن، بەتایبەتی سەرو تاڵانی و دەسەڵاتداری ناوچەیی. ئانێچە فرە جارێ سەرەش جە جەنگی و یەکتر کوشتەی بەرشیەن و چەتەکێش کەردێنێ بە دوژمن و براکوشتەو یەکتری.