ۋێرەگاو هەینی ۰۹/۱۱/۲۰۱۸ی، جەبەرزایی سونگو تەپەی نزیک بە دەگاو ئۆرتاکلاری کە سەر بە دەڤەرو رووبارۆک-و ناوچەو شەمزینان-یەنە، جە سەربازگێ سەر بە سپا داگیرکەرەکەو تورکیای ئەۋەتەقای فرە گەۆرە ڕووەش دێبێ. سەبارە بە تەقاکەی بەنام وەزارەتو ۋەرگیری تورکیا ئاشکراش کەردەبێ، کە ۲٥ سەربازێ بریندارێ بیێنێ و ۷ سەربازێ بێسەروشۆنێ بیێنێ.

کەچی ئارۆ ڕەجەب تەیب ئەردۆغان سەرۆک کۆمارو ڕژێمو تورکیای واتەنش: "جە ئەۋەتەقای سەربازگەکەو شەمزینان-یەنە تەنها ٤ سەربازێ کوشیێنێ و ۲۰ سەربازێ تەرێ بریندارێنێ.

جەلایێ تەرەۋە سەرچەمە هەرێمیەکێ باسشان جە کوشیای و برینداری بییەی ژمارێۋی فرەتەر چانەیە کەردەن کە دەسەڵاتدارێ تورکیای ۋستەنشان ڕووە. دیمەنێ ساتەوەخت و دمای ئەوەتەقاکەی نیشانەش مڎانە کە سەربازگەکە بەتەمامی وێران بییەن و کەسانێ شۆنو سەربازە گمبییەکانەرە مەگێڵانە. ئانێچە شیمانەو کوشایی و برینداربییەی ژمارێۋی فرەتەر جە سەربازە داگیرکەرەکانو تورکیای زیاتەر مەکەرۆنە.