دما بەدمای شکستدای سپا داگیرکەرەکەو تورکیا جە پانیشتو کوردستانی جە لاو گەریلاکانو هەپەگەی و یەژەئا ستاری، هێزە داگیرکەرەکێ تورکیای کە زەمین گیرێ کریێنێ پەی پارێزنای وێشان جە گورز و چالاکی گەریلای پەناشان بەردێنە پەی بنکە و بارەگا سەربایەکانو پارتو دیموکراتو کوردستانی-"پەدەکە" و چاگەۋە پیلانە داگیرکاریەکاشان و کەردە قێزەۋنەکانشان دژ بە پانیشتی و کوردی مەبەرانەڕاۋە.

سەرچەمە هەرێمیەکێ پەی ئاژانسەکێمان فوڕات نیوزی ئاشکراشان کەردەن: جە دەرۋازەی سنوری حاجی هۆمەرانی تا کەشو کۆڕەکی ئەندامێ دەستگاو سیخوری و هەۋاڵگێری"میت"و تورکیا جە بارەگا سەربازیەکانو "پەدەکە"یەنە مەرزیێنێرە و ۋاتەنشان:

میت جە سەرو کەشو "سەری رولا"ی سەر بە شارچەو قەسرێ مەرزیانەرە و ڕۆچانە چەمداری دەڤەرەکانو "کۆلیتەر، مامێ، روت، بەردەزەردان، شێراوازێ"ی مەکەرۆنە و کاری سیخۆڕی و هەۋاڵگری ئەنجام مڎۆنە.

جە دێهاتکانو ناوچەو "دیانا"ی بە سەرپەرشتی (حاجی بیرۆفی) کە گەورە ۋەرپەسێۊ پارتییەن، پەدەکە هامکاری میتی مەکەرۆنە و بنکێ و بارەگاکێش ۋستێنێ خزمەتشان.

هەرپاسە جە کەشو "کۆڕەک"ی، پەدەکە بنکە سەربازیەکێش کە هێزەکێ زێرەفانی و سیداد بارزانی سەرپەرشتیشان مەکەرانە، ۋستێنێ خزمەتو میتی و ڕۆچانە چەمداری دۆڵەکێ ئالانی و مەلەکانی و تا کەشو هەڵگوردی و ئاکۆیان و ڕەواندز و دێهاتەکێ گەرەواری مەکەرانە.

حاجی هۆمەران و دەوروبەرش بە تەمامی ۋزیان چێرو کۆنترۆڵو میتو تورکی و جە کەشو وێزێ بە هامکاری پەدەکەی یەکینێۊ میتی مەرزیانەرە. جە نزیکو میتی بنکێۋی سەربازی ئێرانیچ هەن.

جە سەرجەم ئا یاگیانە کە میتی چەنەشان مەرزیانەرە، هێزەکێ زێرەڤانی و پاراستنی کە سەر بە پارتەکەو مەسعود بارزانی-ـەنێ و (پارساڵ ئی کاتە داۋا سەربەوێیی کوردستانی مەکەرێنە) بە گرد شێۋازێ هامکاری مەکریانە.