تەڤگەر: کار پەی دلێنەبەردەی کوردى ئازاد و خاوەن ئیرادەی مەکریۆنە

دەستەو ڕاۋەبەری جمیەرو ئازادی گلێرگەو کوردستانی، ئاشکراش کەردەن: دەوڵەتو فاشیستو تورکیای و هێزە بەکرێگیریێکێ کار پەی دلێنەبەردەی کوردى ئازادی و خاوەن ئیرادەی مەکرانە.

دەستەو ڕاۋەبەری جمیەرو ئازادی گلێرگەو کوردستانی (تەڤگەرى ئازادیى کۆمەڵگەى کوردستان)، کۆبیەش ئەنجام دان و مژار و ڤیەرەکی کوردستانی و ناوچەکێش ڕاڤە کەردەنێ و کار و خەباتش هۆرسەنگنان و دماتەر ئەجامنامەو کۆبیەکێش ئاشکرا کەردەن. 

جە ئەجامنامەکە پی جۆرە ئاماژە بە چنڎین مژارە گرنگا دریان: 

جەنگی جیهانی یەرەم جە وەرکۆتی دلین دەسش پنەکەردەن

 "جەنگی جیهانی یەرەم جە وەرکۆتی دلین دەسش پنەکەردەن، بە تایبەتی جە ئێراق-نە جەنگەکە قۆڵتەرەن و بە سەرکێشی ڕژێمو تورکیای هەر هێز و لایەنێ مەکۆشۆنە سیاسەت و ئەجندا وێش سەپنۆنە. ڕژێمە فاشیستەکەو تورکیای و هێزە بەکرێگیریەکێ پەی دلێنەبەردەی کوردى ئازاد و خاوەن ئیرادەی مەکۆشانە".

داگیرکاری تورکیای بە هامکاری هێزیۋی ئەنجام دریان

"هێرش، داگیرکاری و سنوربەزنای تورکیا جە پانیشت(باشور)و کوردستانی بە هامکاری هێزیۋی و جە بێدەنگی و بێهەڵۋێستی فرێۋ جە هێزەکا پانیشتی ئەنجام دریان. بە پاو سەرجەم پیمانە سیاسی، قانونی، نەتەوەیی و گلێرگەییەکا، هێرش و داگیرکاریەکەو ڕژێمو تورکیای ناڕاۋا و نایاساییەن و ئامانجش داگیر و پارچەکەردەی پانیشتو کوردستانی و ئێراقیەن. هەڵبەتە ئانێچە بە ماناو بەهێزی دەوڵەتو تورکیای نییەن، بەڵکو بە پێچەۋانە نیشانەو لاۋازیشەن و پەی پەردەپۆشکەردەی شکستەکاشەن".
"

گرنگەن دەنگەکێ ئەژمارێ بکریاۋە

"گرنگەن دەنگەکێ هۆرۋچنای پارلەمانو ئێراقی بە دەسی ئەژمارێ بکریاۋە، تا ڕاسینەو هۆرۋچناکەی و سەنگ و قورسایی پارت و لایەنەکا بەربگنۆنە و تاوەکو هەر لایەنێۋی سیاسی جە ئێراقەنە بتاۆنە نمایندەیی جەماوەرەکێش بکەرۆنە".

سەرکەوتەی هەدەپەی مەزن و مێژووییەن

"سەرەڕا فشاری، گێرتەی کوشتەی، تۆقنای و ساختەکاری ڕژێمو تورکیای کە دژو  هەدەپەی و گەلو کوردی بەردش ڕاۋە، سەرکەوتەی جە هۆرۋچناکاو ۲٤ حوزەیرانی و دەربازکەردەی ۋەربەسو ١٠%ی، فرە گرنگ و مەزن و مێژووییەن و شایشتەو دەسوەشی و پیرۆزباییەنو سەلمناش گەل دەس جە جمیەرە ئازادیەکێش هۆرنمەگێرۆنە".

ئێران نمەتاونە گەلی بێدەنگ بکەرۆنە و چارەسەر دیموکراسییەن

" حکومەتو ئێرانی ئیتر بە سیاسەتو ئیسێش نمەتاونە گەلو کوردی جە وەرکەوت(ڕۆژهەڵات)و کوردستانی و گەلا ئێرانی بێدەنگێ بکەرۆنە و درێژە بە تەمەنیش بڎۆنە. تاکە چارەسەر پەی کێشەکا قبوڵکەردەی سیتەمی دیموکراتی و فرەڕەنگیەن"ٚ.

سەرچەمەو کێشەکا پانیشتی وڕای و بێچارەیی دەسەڵاتییەن

"جە پانیشت(باشور)، ڕوانە پەرەسەندەی کوشت و بڕی، وێکوشتەو ژەنا و گەنجا و کاسبکارا و سەرجەم کێشە و قەیرانە سیاسی و ئابوری و کۆمەڵایەتیەکا، سەرچەمەکەشا پەی وڕای و بێچارەیی دەسەڵاتی مەگێڵۆۋە و دەوڵەتو تورکیای پەشکو شێریش چانەیە ۋەرمەگنۆنە و دەسەڵاتیچ هۆڵ مڎۆنە ئانەیە جە گلێرگەی بشارۆۋە".
 
چالاکیەکێ دژ بە داگیرکاری گرنگێنێ و بشۆم پەرەشا پنەدریۆنە

"چالاکیەکێ گەلی دژو داگیرکاری تورکیای گرنگنێ و بشۆم پەرەشا پنەدریۆنە و بیاۋنە ئاستی فرە بەرز و کاراتەر بیانەڕاۋە. بشۆم سەرجەم پارت و لایەنە سیاسی و مەدەنیەکێ، گەل و کەسایەتیەکێش بەفراوانی بەشداریشا بانە".

کار و خەبات پەی هۆروچنای پارلەمانو هەرێمی مەکەرمێنە

"جە ۰۹/۳۰ی ئایندەی هۆروچنای پەی پارلەمانو هەرێمو کوردستانی ئەنجام مڎریۆنە، پێسەو وێئامادەکەردەی پێش، سەرجەم هەڤاڵێ و ڕێکۋستەکێما کارا دەس بە کار و خەباتی مەکەرانە و ئەۋەمدرای گرنگ و جددی سەرو ڕێکۋستەکاماۋە مەکەرمێنە".