جە ئامەد کۆنفەڕانسو ژەنێ ڕێکۋزیا و لەیلا گوڤەنە پەیامش پەی کیاست

جە ئامەد کۆنفەڕانسو "ڕێۋستەبییەمان ئازادیمانە" ساز کریا و له‌یلا گیوڤه‌ن په‌رله‌مانتارەو (هه‌ده‌په‌)ی و هاوسه‌رۆكەو (كه‌جه‌ده‌)ی جە پەیامێنە پەی کۆنفڕانسەکەی پافشاریش کەردەن جە بەردەۋامی دای بە مانگێرتەکەیش تا ئا کاتە کە داۋاکاریەکەش پەسەند مەکریۆنە.

 

جە بارەگاو هەدەپەی جە شارو ئامەدی، بە سەرپەرشتی جمیەرو ژەنێ کوردی (TJA) و به‌شداریی ئه‌نجومه‌نو ژەنێ هەدەپەی، کۆنفەڕانسو "ڕێۋستەبییەمان ئازادیمانە" ڕێکۋزیا. جە کۆنفەرانسەکەنە نمایندێ سەرجەم شارەکانو باکورو کوردستانی و تورکیای بەشدارێش بیێ و ۋێنێ ژنه‌ پێشه‌نگه‌كان چوون: سێڤێ ده‌میر، پاكیزه‌ نایر و فاتمه‌ ئوویار كه‌ ٢٠١٦ جە سلۆپی تەرۆرێ کریێ، ساكینه‌ جانسز، فیدان دۆغان و له‌یلا شایله‌مه‌ز كه‌ ٢٠١٣ جە پاریس تێرۆر كریێ هۆرئاۋێزیێ.

جە کۆنفڕانسەکەنە ئاژەو ئارۆ کوردستانی و تورکیای و ناوچەکەی و بەتایبەتی ژەنێ قسەوباسشان سەر کریان و ڕاچارەکێ ۋزیێنێ ڕووە و جەخت جە گۆڕدای بە کۆشای ئازادی ژەنێ کریانەۋە.

له‌یلا گیوڤه‌ن په‌رله‌مانتارەو (هه‌ده‌په‌)ی و هاوسه‌رۆكەو (كه‌جه‌ده‌)ی بە پەیامێ نۋیسا بەشدارەو کۆنفڕانسەکەی بیێنە. لەیلا کە ۲٤ ڕۋێن پەی ئازادی ڕێبەر ئۆجالانی و دژ بە ئا زۆرداریەیە کە جە زیندانەکانە هەن مانش جە واردەی گێرتەن، جە پەیامەکەشەنە پافشاریش کەردەن جە بەردەۋامی مانگێرتەکەیش تا ئا کاتە کە داۋاکاریەکەش پەسەند مەکریۆنە.
لەیلا گیوڤەنە واتەنش: کۆشای ئێمە ڕەۋان، پۆکەی سەرکەوتەی مسۆگەرەن.