جە شارو گێلسنکیرهن-و ئەڵمانیای، پارتو مارکسیست لنینیستی ئەڵمانی(MLPD) سەبارەت بە ڕۆژئاڤاو کوردستانی و دماییان ئاژەو ئا بەشەو وڵاتی، سیمنارێش پەی هامسەرۆکەو کۆنگرەی  نەتەوەیی کوردستانی(کەنەکە) نیلوفڕ کۆچێ ڕێکۋست.
جە سیمینارەکەنە کە خاتوو مۆنیکا گارتنەر ئەنگێل نمایندێ (MLPD) ڕاۋەبریێ، زیاتەر جە ۳۰۰ کەسایەتیێ بەشدارێ بێنێ.

هامسەرۆکەو کۆنگرەی  نەتەوەیی کوردستانی(کەنەکە) نیلوفڕ کۆچە، ئاماژەش ڕوودایی و ئاژەو ڕۆژئاڤا، کوردستان و وەرهۆزری دلینی دا و هۆرسەنگنایش پەی کەرد و ۋاتش:"شۆڕش جە ڕۆژئاڤاو کوردستانی نەک تەنها پەی کوردی، بەڵکو پەی ڕزگارکەردەی گەلانو هەرێمەکەیەن و ئانێچە ئیتر بیەن بە مۆدێلێ دیار".

نیلوفەڕە باسش جە مۆدێلو کۆفەدرالیزمی دیموکراتی ڕێبەر ئۆجالانی کەرد، کە ئارۆ جە ڕۆژئاڤانە کەردەیی کریان و داۋاش جە ئەڵمانیا و ئەوروپا و جیهانی کەرد پەشتیۋایش بکەرانە.

خاتوو مۆنیکا گارتنەر ئەنگێل نمایندێ (MLPD)ی و ڕاۋەبەروسیمینارەکێ سەرنجش ۋست سەر ۋەرپرسیاری ۋەراۋەر بە ئاوەدانکەردەی ڕۆژئاڤای کوردستانی.

سەمینارەکێ بە ژەنیەی چنڎ پارچە موزیکێ دماییش ئاما.