جەی بارەوە کۆمەڵەی ئازادی کە پەی داکۆکیکەردەی جە زیندانیانو کوردی مەرزیانەرە، ۋەڵاکریاش دان و ئاشکراش کەردەن:  بەدرەدین کاڤاک، عەلی ئۆزەل و عەلی حەیدەر دۆغان کە ۳ سیاسەتمەدارێ کوردیەنێ و جە ئەڵمانیا بە یاساو تەرۆری دەستگیر و زیندانیێ کریێبێنێ، دامای تەمامکەردەی سزاکێشان جە زیندان ئازاد کریێنێ.

کۆمەڵەکە ئاشکراش کەردەن:

عەلی ئۆزەل، جە شوبات ٢٠١٥ی دەستگیر کریان و جە تشرینو یەکەمو ۲۰۱٦ی دادگا شتوتگاردی ۳ ساڵێ و ٦ مانگێ سزا زیندانیش پەی بڕیەبێۋە.

بەدرەدین کاڤاک، کە  ٢٤ ساڵێ جە تورکیا زیندانی بیەن، جە ۱٥و ئابو ۲۰۱٥ی جە ئەڵمانیا دەستگیر کریان و جە ئابو ۲۰۱٦ ی جە هابمبۆرگ بە ۳ ساڵێ زیندانیکەردەی سزا دریابێ

عەلی حەیدەر دۆغان جە نیسانو ٢٠١٦ی دەستگیرکرا بێ و جە ئادارو ٢٠١٧ی جە بەرلین بە ٢ ساڵێ و ٤ مانگێ زیندانیى سزا دریا بێ.

جە ئەڵمانیا ١٠ سیاسەتمەدار و چالاکوانێ کوردیێ دەستگیرێ کریێنێ کە تاوانەشان تەنیا کۆشای پەی ئازادی گەلو کوردیەن و تا ئیسە ۷ شان ئازادێ نەکریێنێ.