جە برادۆست-بارزان هەتا جۆلەمێرگ-ئاگری زنجیرە چالاکیێ ئەنجام دریێ

هەپەگە ئاشکراش کەرد: گەریلاکێشا جە پانیشت تا سەرنیشتو کوردستانی بە زنجیرە چالاکی سپا داگیرکەرەکەو تورکیاشا کەردەن ئامانج، جە ئاکامشەنە ٦ سەربازێ و سیخوڕێ کوشێنێ و ۲ کۆپەترێ گورزێشا دریێنێ ۋنە.


دلێگەو یاۋنەری و چاپەمەنی هێزەکا پارێزنای گەلی-هەپەگە، بە ۋەڵاکرایێۋ اشکراش کەرد: " جە بەردەۋامی هەڵمەتەو شۆڕشگێڵی شەهیدا ئاگری و پیرۆز-یەنە، سەعات ۲٤:۱۰ دەیەقێ نیمە شەۋەو  ٢٨ حوزەیرانی، گەریلا سەربازە داگیرکەرەکێ تورکیاشا جە لێلکان-و سەر بە برادۆست-بارزان-و پانیشتو کوردستانی کەردێنێ ئامانج. جە ئاکامانە هەڵیکۆپەرێۋ کە سەربازێ ۋەزنۆرە دریانش ۋنە و ناچار کریان دوور بگنۆۋە".


هەر  ٢٨ حوزەیرانی بەڵام سەعات  ٠٩:۲۱ دەیەقێ شەۋێ، جە سەرو ڕاو (وان-جۆلەمێرگ)ی گەریلا جە کارۋانێۋی سەربازی دوژمنیش دان و جە ئاکامشەنە لانی کەم ٦ سەربازێ کوشیێنێ و گورزیچ جە چنڎین ماشینە سەربازیا دریان.

۲۹ حوزەیرانی سەعات ۱۹:٤۰ دەیەقێ جە گەڤەر، چالاکی دژ بە دوژمنی ئەنجام دریان و چاگێچە سەربازێۋ کوشیان و یۆتەریچ بریندار بیەن.

۲٥ حوزەیرانی جە دەگاو تورکومانی سەر‌ بە شارچەو بایزیدی سەر پارێزگەو ئاگری، سیخوڕ (مەولود بەنگی)، کە دەسش جە شەهیدکەردەی چنڎین گەریلایا و بەگێرتەی دای چنڎین ۋڵاتپارێزانە بیەن، جەلا گەریلاکاۋە دەستگیرکریان و دمای پەیجۆری و دادگایی کەردەیش و قبوڵ کەردەو تاۋانەکێش، جە ۲٦ حوزەیرانی سزا دریان.

دمای سزادای سیخوڕەکەی، جە ۲۷ حوزەیرانی دوژمن جە زەمین و ئاسمانەۋە ئۆپەڕاسیۆنش پەی دەڤەرەکەی دەس پنە کەردەن و بە تۆپێ و تانکێ دەڤەرەکەش‌ هەڕەمەکیانە تۆپۋاران کەردەن. گەریلا وەڵامو ئۆپەڕاسیۆنکارەکاش دانەۋە و جە ئاکامشەنە گورز جە کۆپتەرێۋی کوبرای دریان. هاموەخت گەریلا  تاقمێۋ سەربازێ کە بە نهێنی بۆسەشا نیابێۋە کەردێنێ ئامانج و دەرەنجام ژمارێوشا کوشیێنێ و بریندارێ‌ بیێنێ، بەڵام جەی بارەوە زانیاری ورد بەدەس نەۋزیان. سەرەنجام هەمان ڕۆچ دوژمن ناچار بە دمارەگێڵای کریان.