جە بەرلین جەماۋەریانە ئەردۆغان سەرکۆنە کریا

جە بەرلین-ی پایتەخت بە سەرپەرشتی پلاتفۆرمو' ئەردۆغان بەخێر نامای' سەردای ڕەجەب تەیب ئەردۆغانی پەی ئەڵمانیای ئەۋاۋەجەمی شەرمەزار کریا.

 

جە ئەڵمانیا ناڕەزایەتییە جە ماۋەریەکێ دژ بە سەردای سەرۆک کۆمارو تورکیای "ڕەجەپ تەیب ئەردۆغان" پەی ئا وڵاتەیە و بە فەرمی پێشۋازی کەردەیش بەردەۋامێنێ. جەی چۋارچێۋەنە جە بەرلین-ی پایتەخت بە سەر پەرشتی پلاتفۆرمو' ئەردۆغان بەخێر نامای' چالاکی و ڕاپیمای جەماۋەری ڕێکۋزیا.

جە چالاکی و ڕاپیمایەکەنە کە فرەتەر هاموڵاتییە ئەڵمانەکێ بەشدارێش بێنێ، دروشمێ ' تەرۆریست ئەردۆغان' و ' ئەردۆغان پەی جەهەنەمی' و دکتاتۆر ئەرۆغان ۋاچیێۋە و سەردای ئەردۆغانی بە تنڎی شەرمەزار کریا و هامکات بەفەرمی داۋەت-کەردەیش پەی ئەڵمانیا و  پێشۋزای-کەردەیش جە لاو فرانک واڵتر سەرۆک کۆمار و ڕاۋێژکارەو ئەڵمانیای ئانگلا مێرکێل-ێۋە سەرکۆنە کریا.

هەزاران ڕاپیمەرێ ئەڵمانێ و کوردێ و تورکێ و ئازاردیۋازێ جە مێڎانو ' پۆتسدامەر پلاتز'ەی کۆبیێۋە کە نزیکەن جە ئا ئوتیلێ کە ئەردۆغان چنەش مانۆۋە. داۋا کریا کە جە پاو ئا تاۋانەکان کە ئەنجامش دێنێ و پێسەو تاۋانباروجەنگی، ئەردۆغان جە دادگایێ میاننەتەوەییەنە دادگایی بکریۆنە.

جە سەرەتا تا کۆتایی چالاکی و ڕاپیماکەی، پێسەو پیشەی هەمیشەییش پۆلیسی ئەڵمانی ئاستەنگی فرەش درۊست کەرد و ئانێچە بە تنڎی شەرمەزار کریا.

سەرنج کێشەر بێ، کە جە ڕیزی ۋەڵینو چالاکی ڕاپیمایەکەی ئاڵێ گەورێ پەکەکە، یەپەگە/یەپەژەی یاگێشان گێرتێ بێ.

یاگێ ئاماژەیەن کە مەدیاکێ ئەڵمانیای و جیهانی جە چەند ڕۋێ ۋیەردەنە و تا ئیسە، بە فراۋانی و بە گرنگییەۋە چالاکییە پرۆتەستۆیەکان کە دژ بە ئەردۆغانی ئەنجامێ مڎریانە ۋەڵامەکەراۋە.