جە ۱۸و ئەیلولی ۋیەردەی هێزە داگیرکەرەکێ تورکیا تۆپۋاران و بۆردومانو کەشو جوودی سەر بە پارێزگەو شڕناخیشان کەردەبێ و ئێرشان نیابێ دارستانەکاۋە. ئێرەکە ۲ هەفتێن بەردەۋامەن و دوژمنی داگیرکەر ڕا بە خەڵکی و ژیۋگەپارێزانی نمەڎۆنە ئێرەکەی کوشناۋە. جە ئاکامەنە سەدان هکتارێ جە دارستانەکان و هەزاران دارێ دلێشانە سەدان دارێ پستەی سۆتێنێ.

هاموڵاتیێ ناوچەکەی ماچانە: "دەوڵەت بە پلان کار پەی سۆچنای و قڕکەردەی ژیۋگەی و سەوزایی ناوچەکەی مەکەرۆنە و پا جۆرە هەوڵ مڎۆنە خەڵکەکەیش ناچار بە کۆچبەری بکەرۆنە، بەڵام سەرەڕاو ئانەیە ئێمە خاک و ئاۋی و ۋارگەو وێمان نمازمێنە جیا و تا دمایی خاۋەنداریش ۋنە مەکەرمێنە و ئا پلانێ مایە پووچە مەکەرمێۋە".