جە جۆله‌مێرگ و شرناخ گورز جە دوژمنی دریاۋە
هەپەگە: جە جۆله‌مێرگ و شرناخ گەریلا چالاکیش دژو هێزە داگیرکەرەکا تورکیای ئەنجام دان. جە چەلێ و هەرێمەکا پارێزنای مەیدیای فڕۆکە جەنگیەکێ دوژمنی بۆردومانشا کەردەن.
دلێگەو یاۋنەری و چاپەمەنی هێزەکا پارێزنای گەلی- هەپەگە، سەبارەت بە چالاکی گەریلای و بۆردومانەکا دوژمنی ۋەڵاکریێۋش دان و ئاشکراش کەردەن:
٢٩و ته‌مووزی سەعات ۱٥:۰۰ دمانیمەڕۆی جە ناوچە شه‌مزینان-و جۆلەمێرگی، گەریلا چالاکیش دژ بە سه‌ربازگه‌و شكه‌رێ سپی ئەنجام دان و جە ئاکامشەنە گورزی قورس جە دوژمنی دریان، بەڵام وردەکاری زیانە گیانی و مادیەکاش نەزانیان.
٢٨و ته‌مووزی سەعات ١٧:٥٠ دەیەقێ ۋێرەگای، جە دەگاو مەلێی سەر بە شرناخی، گەریلا چالاکی گەورەش دژ بە هێزە داگیرکەرکا تورکیای ئەنجام دان. چاگێچە وردەکاری سەبارەت بە زیانە گیانی و مادیەکا دوژمنی بەدەس نەۋزیان. دمای چالاکیەکەی جە سەعات ۲۱:۰۰ شەوێ هێزەکێ سوپاو تورکیای بە پەشتیۋانی فڕۆکەی بێفڕۆکەۋانی سیخوڕی و جەنگی ئۆپەراسیۆنشا ئەنجام دان و جە زمین و ئاسمانەۋە ناوچەکەشا بۆردومان و تۆپۋاران کەردەن.
٢٩و ته‌مووزی سەعات۱۸:۰۰ ۋێرەگای، فڕۆكه جه‌نگییه‌كێ دوژمنی بەرزایی گۆلكا-و هه‌رێمو مه‌تینای، بەرزایی جه‌هه‌ننه‌می و مه‌ێڎانو شه‌هید ڕۆسته‌م-و سەر بە هه‌رێمو زاب-یشا بۆردومان کەردەن.
هه‌مان ڕۆچ، بەڵام سەعات ۱٤:۰۰ دمانیمەڕۆی جە ناوچەو چەلێی، هێزە داگیرکەرەکێ تورکیای بە هاوەنێ و تۆپێ بۆردمانو چنڎ دەڤەراشا کەردەن و جە ئاکامشەنە دارستانەکێ ناوچەکەی ئێرشا گێرتەن و ڕووبەرێۋی فرە سوتەن.
